sanjay raut latest news, घोटाळ्यातून आलेले बेहिशेबी पैसे राऊत यांनी बनावट कंपन्यांत वळवले; स्वप्ना पाटकरांचा दावा – sanjay raut threatened alibagh landowner who wasn’t willing to sell property: witness swapna patkar

पत्राचाळ घोटाळ्याबद्दलच्या मनी लाँड्रिंग प्रकरणात राऊत हे १ ऑगस्टपासून कोठडीत आहेत. ईडीने या प्रकरणात अलीकडेच पुरवणी आरोपपत्र दाखल करून राऊत यांना आरोपी दाखवले आहे. राऊत यांच्या जामीन अर्जावर आज, बुधवारी सुनावणी होण्याची शक्यता आहे. पुरवणी आरोपपत्रात पाटकरच्या जबाबाचा समावेश आहे.

‘राऊत यांनी राऊतर्स एंटरटेन्मेंट एलएलपी नावाची कंपनी स्थापन केली. त्याद्वारे त्यांनी ठाकरे या चित्रपटाची निर्मिती केली. त्या प्रकल्पात त्यांनी आपले बेहिशेबी पैसे वळवले. एप्रिल-२०२१मध्ये मद्य व्यवसायाच्या एका कंपनीतही त्यांचे स्वारस्य होते. अलीकडच्या काळात कुटुंबीयांच्या नावे बनावट कंपन्या सुरू करूनही त्यात बेहिशेबी पैसे वळवणे त्यांनी सुरू केले होते’, असा दावा पाटकर यांनी जबाबात केला आहे.