boy kills girlfriend, Kolhapur : ‘गुडबाय लाइफ’ म्हणत आधी ऋतुजाला संपवलं, नंतर कैलासने आणखी मोठं पाऊल उचललं… – kolhapur boy send message goodbye life to relatives and kills girlfriend

इचलकरंजीच्या खोतवाडीमधील तरुणी ऋतुजा प्रकाश चोपडे (वय २१ )हीचा कैलास आनंदा पाटील (वय २८) याने आधी खून केला. त्यानंतर त्याने विषय प्यायले. या घटनेबाबत पोलिसांनी माहिती दिली आहे. ऋतुजा आणि कैलास हे दोघे नात्यातील होते. त्यांनी लग्न करण्याचा निर्णय घेतला होता. पण त्यांच्या लग्नाला काही नातेवाईकांचा विरोध होता, अशी माहिती समोर आली आहे. ऋतुजा ही बी.एस.सीचे शिक्षण घेत होती. तर कैलास व्यवसाय करत होता. माझा गावात मोठा फोटो लावा असं मित्रांना सांगत कैलास कोल्हापूरला निघाला होता. मी आज आपलं जीवन संपवणार आहे, असं तो मित्रांना बोलला होता. त्याने ‘गुडबाय लाइफ’ हे व्हॉट्सअॅप स्टेटस ठेवले होते.

लग्नाला होत असल्याने कैलास नाराज होता. त्याने ऋतुजला मंगळवारी भेटायला बोलवले. तिला कारमध्ये बसवून तो गिरोली घाट परिसरात गेला. तिथे जाऊन त्याने आधी ऋतुजाचा खून केला. तिचा खून केल्यानेतर त्याने नातेवाईकांच्या व्हॉट्सग्रुपवर मेसेज टाकला. ‘गुडबाय’ असं लिहून त्याने विष प्यायले. व्हॉट्सअॅपग्रुपवरील मेसेज पाहून कुटुंबीय हादरले. त्यांनी तातडीने पोलीस स्टेशन गाठले. पोलिसांनी दोघांचे मोबाइल लोकेश तपासल्यावर ते गिरोली घाट परिसरात असल्याचे समोर आले. यानंतर पेठवडगाव आणि कोडोलीच्या पोलीस घटनास्थळी पोहोचले. यानंतर कैलासला तातडीने उपचारासाठी सीपीआर रुग्णालयात दाखल करण्यात आले.