अकोला : राज्यात महिला-तरुणीवरील अत्याचारांच्या घटनांमध्ये दिवसेंदिवस वाढ होतच आहे. आता शाळेमध्ये अ‍ॅसिड फेकण्याची धमकी देत शाळकरी मुलीचे फोटो वायरल केल्याची घटना अकोल्यात उघडकीस आली आहे. पीडित मुलीच्या आईने दिलेल्या तक्रारीवरुन २३ वर्षीय तरुणासह त्याच्या चार मित्रांवर पातूर पोलीस ठाण्यात गुन्हा दाखल करण्यात आला आहे. यातील आरोपींनी शाळेमध्ये शिक्षकांसोबत वाद घालत खुर्च्यांही फेकल्या असून घड्याळ फोडले आहे. दरम्यान, हे प्रकरण अत्यंत गंभीर असताना देखील पोलीस ठाण्यात तक्रार करण्याच्या ऐवजी शालेयतील दोन शिक्षकांनी आपसांत मिटवण्याचा प्रयत्न केलाय, तसेच आरोपीकडून माफीनामा मागून त्यांना सोडून दिले. (Youth threatened to throw acid on school girl in Akola)

नेमकं काय आहे संपूर्ण प्रकरण?

अकोला जिल्ह्यातील पातूर शहरात १९ सप्टेंबर रोजी तुळसाबाई कावल विद्यालयात अत्यंत गंभीर घटना उघडकीस आली. या विद्यालयात इयत्ता नऊव्या वर्गात शिकणारी मुलगी ही नेहमीप्रमाणे शाळेसाठी विद्यालयाच्या परिसरात आली. या दरम्यान महेश बाळू सौंदळे याने विद्यालय परिसरात त्याच्या मित्रांसह प्रवेश केला. आणि पीडित मुलीचा रस्ता अडवला अन् हात पकडून छेडखानी करून विनयभंग केला. तसेच मोबाईल फोनमधील तिला छायाचित्रे दाखवून व्हायरल करण्याची धमकी दिली. तसेच तिच्या अंगावर व तोंडावर ‘अ‍ॅसिड’ फेकण्याची धमकी दिली. दरम्यान, या प्रकरणात त पीडित मुलीच्या आईने दिलेल्या तक्रारीनुसार पातूर पोलिसांनी ३०४ / २२ कलम ३५४, ३५४ (७), ३४१, ३२३, ४२७, ५०६, ३४ भादंवीसह कलम ८, १२ पोक्सोनुसार गुन्हा दाखल केला आहे. तसेच मुलीला धमकी देणाऱ्या तरुणांचा शोध सुरू आहे.

माझ्यासोबत फिरा, मी मुंबईत टॉयलेट दाखवितो; अरविंद सावंत यांचे अनुराग ठाकूर यांना प्रत्युत्तर
शिक्षकांचा गंभीर प्रकरणात तक्रार करण्याएवजी प्रकरण आपसात मिटवण्याचा प्रयत्न

पीडित अल्पवयीन मुलीने घटनेच्या दिवशी घडलेला प्रकार शाळेमधील शिक्षकांना सांगितला. यादरम्यान शिक्षकांनी या चौघांनाही रोखण्याचा प्रयत्न केला. मात्र त्यांनी शिक्षकांसोबत देखील वाद घातला. त्यांनी शाळेमधील खुर्च्यांही फेकल्या असून घड्याळ फोडले आहे. तरीही एवढं गंभीर प्रकरण असताना शिक्षक पंकज राणे व चव्हाण यांनी छेडखाणी करणाऱ्या तरुणांची पाठराखण केली. अन् त्यांच्याकडून माफीनामा लिहून घेत, हे प्रकरण निपटण्याचा प्रयत्न केला. दरम्यान, घडलेल्या गंभीर प्रकरणाबद्दल कोणत्याही प्रकारची पोलीस ठाण्यात माहीती दिली नाही, उलट मुलीला पोलीस ठाण्यात तकार देण्यापासून परावृत्त करण्याचा प्रयत्न केला. परंतु, अखेर मुलीच्या आईच्या तक्रारीनंतर त्या चौघांवर गुन्हा दाखल झालाय.

प्रकाश आंबेडकर आणि उद्धव ठाकरे एकत्र येणार का?; शिवसेना खासदार अरविंद सावंत म्हणाले…
सीसीटीव्ही फुटेज, माफीनाम्याची प्रत पोलिसांना देण्यास टाळाटाळ

तुळसाबाई कावल विद्यालयात सद्यस्थितीत शंभरहून अधिक मुली शिक्षण घेत आहेत, तरी देखील आपल्या शिक्षकांकडून अशा गंभीर प्रकरणात पोलीस स्टेशनला तक्रार करण्याच्या ऐवजी आपसांत मिटवण्याचा प्रयत्न केला, हा अत्यंत गंभीर अपराध असून भविष्यात अपप्रवृत्तीला चालना मिळून आणखी गंभीर अपराध घडण्याची दाट शक्यता आहेय, दरम्यान, अद्यापपर्यत या गुन्हयातील मुलांची नावे पोलीस प्रशासनास दिली नाहीत. सीसीटीव्ही फुटेज व माफीनाम्याची प्रत प्रशासणास तपासकामी पुरविली नाही.

अकोला: PSIने मागवलं हरणाचं मांस, वन विभागाचे कर्मचारी चक्रावले; आरोपींची चौकशी सुरू
पोलिसांकडून शालेय विद्यालयाला समज- अशा प्रकारच्या घटनेची पुनरावृत्ती होऊ नये

१. आपल्या शाळेतील विद्यार्थ्यांच्या सुरक्षिततेसाठी शाळेतील परिसरात किती सीसीटीव्ही कॅमेरे कार्यरत आहेत, त्यांपैकी किती सध्यास्थितीत चालु आहेत? कॅमेऱ्यांचे व्यवस्थितरित्या किती दिवसांपर्यंत फुटेज रेकॉर्डींगची व्यवस्था काय आहे ?

२. विद्यार्थीऱ्यांना शाळेत प्रवेश व बाहेरजाण्याकरिता वेगवेगळे रस्ते आहेत काय? शाळेतील विद्यार्थ्यांचे सुरक्षीतेबाबत किती सुरक्षा रक्षक कार्यरत आहेत, असल्यास त्यांची संपूर्ण नावे? शाळेबाहेरील व्यक्तींनी प्रवेश करतांना प्रवेशद्वारावर त्यांच्या तपासणी व नोंदी घेण्यासाठी आवक जावक रजिस्टर व सुरक्षारक्षक आहेत काय ? अशा मुद्द्यांवर पोलिसांनी शाळेसमोर सवाल उपस्थित केले आहेत.

LEAVE A REPLY

Please enter your comment!
Please enter your name here