Adani meets Uddhav Thackeray | अदानी आणि उद्धव ठाकरेंच्या भेटीने अनेकांच्या भुवया उंचावल्या आहेत. काही दिवसांपूर्वीच महाराष्ट्रातील वेदांता-फॉक्सकॉन प्रकल्प गुजरातला गेल्याने वादळ निर्माण झाले होते. उद्धव ठाकरे (Uddhav Thackeray) आणि अदानी यांची बोलणी सुरु असताना आदित्य ठाकरे हे शिवसेना भवनात पत्रकारपरिषद घेत होते. या भेटीनंतर राजकीय वर्तुळात तर्कवितर्कांना उधाण आले आहे.
हायलाइट्स:
- मेळाव्यापूर्वी उद्धव ठाकरे आणि गौतम अदानी यांची भेट
- वेदांता-फॉक्सकॉन प्रकल्प गुजरातला गेल्याने वादळ
उद्धव ठाकरे यांनी बुधवारी मुंबईत शिवसेना गटप्रमुखांच्या मेळाव्याला संबोधित केले. या मेळाव्यापूर्वी उद्धव ठाकरे आणि गौतम अदानी यांची भेट झाली. या भेटीवेळी मुख्यमंत्री एकनाथ शिंदे हे दिल्लीच्या दौऱ्यावर होते. काही दिवसांपूर्वीच महाराष्ट्रातील वेदांता-फॉक्सकॉन प्रकल्प गुजरातला गेल्याने वादळ निर्माण झाले होते. उद्धव ठाकरे आणि अदानी यांची बोलणी सुरु असताना आदित्य ठाकरे हे शिवसेना भवनात पत्रकारपरिषद घेत होते. यावेळी आदित्य ठाकरे यांनी वर्सोवा-वांद्रे सी लिंक प्रकल्पाचे काम मिळालेल्या कंपनीच्या कारभारावर प्रश्नचिन्ह उपस्थित केले होते. वर्सोवा-वांद्रे सी लिंकच्या कामासाठी काही पदांची भरती करण्याचे ठरवले आहे. त्यासाठी सिव्हील इंजिनिअरिंगची पदवी असणे आवश्यक आहे. मात्र, या पदांसाठीच्या मुलाखती या चेन्नईतील रमाडा प्लाझा हॉटेलमध्ये ठेवण्यात आल्या आहेत. महाराष्ट्रात एकाही ठिकाणी या पदांसाठी वॉक-इन मुलाखती नाहीत, याकडे आदित्य ठाकरे यांनी लक्ष वेधण्याचा प्रयत्न केला होता.
काहीही करुन उद्धव ठाकरेंना संपविण्याचा विडा, त्याला आपल्या मुन्नाभाईची साथ, उद्धव यांचा राज ठाकरेंवर निशाणागेल्या काही वर्षांमध्ये भारतीय उद्योगविश्वात गौतम अदानी यांचा दबदबा उत्तरोत्तर वाढताना दिसत आहे. काही दिवसांपूर्वीच गौतम अदानी यांनी फ्रान्सचे बर्नार्ड अर्नोल्ट आणि जेफ बेझोस यांना मागे टाकत जगातील दुसऱ्या क्रमांकाची श्रीमंत व्यक्ती होण्याचा मान संपादन केला होता. अदानींची संपत्ती आता १५५.७ अब्ज डॉलर्स म्हणजे १२.३७ लाख कोटी इतकी झाली आहे. अदानी समूहाचे कर्ज २.२ लाख कोटी रुपयांवरून २.६ लाख कोटी रुपयांपर्यंत वाढले असतानाच अदानींची संपत्ती एवढी कशी झाली? अदानी यांच्या संपत्तीचं नेमकं रहस्य काय आणि त्यांनी जगातील दुसऱ्या क्रमाकांचा श्रीमंती व्यक्ती होण्याचा मान कसा पटकावला, अशी शंकाही अनेकांकडून उपस्थित केली जात आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
