सध्याचं युग युद्धाचं नाही,यूक्रेन युद्धावर मोदींचा सूचक इशारा; पुतीन यांच्याकडून रशिया भेटीचं निमंत्रण
पुतीन लवकरच एक व्यापक कॉल-अपची घोषणा करू शकतात. त्यामुळे युद्धाला तोंड फुटू शकतं. रशियाच्या सीमा बंद केल्या जाऊ शकतात. त्यामुळेच रशियन नागरिक देश सोडून जाऊ लागले आहेत. पुतीन यांनी राखीव सैनिकांच्या तैनातीचा आदेश दिल्यानं लोकांमध्ये भितीचं वातावरण आहे. देशातली परिस्थिती बिघडत चालली आहे. काही ठिकाणी आंदोलनं सुरू आहेत, तर अनेक जण देश सोडून जाण्याची तयारी करत आहेत. रशियन एअरलाईन्सनं १८ ते ६५ वर्षे वयोगटात मोडणाऱ्या व्यक्तींना तिकीट विकण्यास नकार दिला आहे.
VIDEO: ‘अल्लाह हू अकबर’ म्हणत बापानं लेकराला समुद्रात फेकलं; कहाणी ऐकून हेलावून जाल
पुतीन यांच्या घोषणेमुळे युक्रेनच नव्हे, पोलंड, रोमानिया, मॉल्डोवा, स्वीडन, फिनलँडसारख्या देशांची चिंता वाढवली आहे. रशिया-युक्रेन युद्धात या देशांनी उघडपणे युक्रेनचं समर्थन केलं होतं. रशियाच्या इशाऱ्यानंतरही स्वीडन, फिनलँडनं नाटोच्या सदस्यत्वासाठी पावलं उचलली. त्यामुळे हे देश पुतीन यांच्या रडारवर आहेत.
