अरवल: बिहारच्या अरवलमध्ये दिवसाढवळ्या बकऱ्या पळवण्यात आल्या आहेत. भरबाजारात ही घटना घडली आहे. राष्ट्रीय महामार्ग क्रमांक १३९ वर उमैराबादजवळ ट्रक थांबला असताना ग्रामस्थांनी ट्रकमधून बकऱ्या पळवून नेल्या. ग्रामस्थांनी जवळपास ३०० बकऱ्या चोरल्या.

पाटणा-औरंगाबाद मुख्य मार्गावरून ट्रक कोलकात्याला जात होता. प्रजननासाठी वापरले जाणारे मोठे बकरे उतरवण्यासाठी ट्रक थांबवण्यात आला. ग्रामस्थांनी बकरे उतरवण्यास सुरुवात केली. ग्रामस्थ मोठ्या संख्येनं ट्रकजवळ पोहोचले. पाहता पाहता गर्दी वाढली. अनेक जण बकऱ्या घेऊन पळाले. कोणी दुचाकीवरून येत, तर कोणी पायी येऊन बकऱ्या पळवून नेल्या.
गर्लफ्रेंडचा लग्नास नकार; बॉयफ्रेंडनं बहाणा करून हॉटेलात बोलावलं अन् मग…
ट्रकमधून नेमक्या किती बकऱ्या चोरीला गेल्या याचा नेमका आकडा समोर आलेला नाही. बकऱ्यांची मोजदाद झाल्यावरच चोरीला गेलेल्या बकऱ्यांची नेमकी संख्या समजू शकेल. जवळपास ३०० बकऱ्या पळवण्यात आल्याचं सांगण्यात येत आहे. दरम्यान या प्रकरणाची आपल्याला कोणतीच माहिती नसल्याचं पोलीस ठाण्याचे प्रभारी शंभू पासवान यांनी सांगितलं.

बकऱ्यांनी भरलेला ट्रक कोलकात्याच्या दिशेनं जात होता. ग्रामस्थ बकऱ्या पळवून नेत असल्याचं पाहून चालकानं ट्रक सुरू केला आणि तिथून निघाला. या घटनेमुळे उमैराबादमध्ये गोंधळाची परिस्थिती निर्माण झाली. रस्त्यावर वाहतूककोंडी झाली. घटनेची माहिती मिळाल्यानंतर पोलीस पोहोचले. मात्र तोपर्यंत ग्रामस्थांनी बकऱ्या पळवल्या होत्या.
अभ्यास कर! पैसे वाया घालवू नको! स्पर्धा परीक्षेत नापास झाल्यानं लहान भावाला मारहाण; मृत्यू
या प्रकरणी पोलीस स्थानिकांकडून माहिती घेत आहेत. अद्याप कोणीही या घटनेची तक्रार पोलिसांकडे केलेली नाही. दिवसाउजेडी अशा प्रकारे बकऱ्या चोरण्यात आल्याची घटना घडल्यानं पोलिसांच्या कार्यक्षमतेवर प्रश्नचिन्ह उपस्थित झालं आहे. सध्या पोलीस या प्रकरणाचा तपास करत आहेत.

LEAVE A REPLY

Please enter your comment!
Please enter your name here