वाचाः ८ लाखांचे श्रवणयंत्र मिळाले मोफत; दुर्मिळ व्याधी असलेल्या रौनकसाठी धावले केईएमचे डॉक्टर
अंधेरी जीआरपी चौकीत येण्याआधी पीडितेने शहराच्या दोन पोलिस स्टेशनमध्ये तक्रार देण्याचा प्रयत्न केला होता. यावेळी ती रडत व घाबरलेल्या स्थितीत होती. तिने पोलिसांना विनयभंग झाल्याचे सांगत महिला पोलिसांसोबत बोलायचे आहे असे सांगितले. यावर पोलिसांनी तिला ‘विनयभंग’ या शब्दाचा अर्थ काय? असा प्रश्न विचारला. व गुन्हेगार हा तिचा प्रियकर आहे का, असा सवालही महिलेला केला असल्याचा दावा तिने केला आहे. या नंतर या महिलेला सीसीटीव्ही फुटेज दाखवण्यात आले. तिने गुन्हेगाराला ओळखले असता, एक महिला पोलीस कर्मचारी तिला म्हणाली ती वकील असल्याने तिने त्या माणसाला मारायला हवे होते. महिलेची चौकशी करत असताना एकच घटना तिला तीन ते चार वेळा कथन करायला लावली. तब्बल तीन तास तिचा जबाब नोंदवण्यात आल्याचा आरोपही या महिलेने केला आहे.
ज्या ठिकाणी महिलेचा लैंगिक छळ झाला आहे, ते बोरिवली रेल्वे पोलिसांनच्या हद्दीत येतं. आणि ही माहिती त्यांना पाठवण्यात येईल असे या महिलेला सांगण्यात आले. या नंतर या महिलेला संध्याकाळी बोरिवली रेल्वे पोलिस ठण्यातून पुन्हा फोन आला, सीसीटीव्ही फुटेजमधील गुन्हेगार ओळखण्यासाठी तिला पुन्हा एकदा बोलावून घेण्यात आले, असंही या महिलेनं म्हटलं आहे. मला पुन्हा पोलिस ठाण्यात जावे लागले ही घटना माझ्या आयुष्यातील त्रासदायक घटना होती.
हे लिहिण्याचा माझा एकमेव उद्देश म्हणजे पोलिसांनी दलाला संवेदनशील बनवावे आणि विशेषत: अशा संवेदनशील घटनांसाठी त्यांच्या स्वतःच्या कर्तव्यांसाठी जागरूक आणि जबाबदार बनवावे, अशी नम्र विनंती आहे, असं ट्वीट तिनं केलं आहे.
वाचाः भारतात सापडला १२ हजार वर्षांपूर्वीचा प्राचीन खजिना; चार कालखंडातील सोने, मोती अन् हत्यारे..
