मुंबई : जगातील तिसऱ्या क्रमांकाचे श्रीमंत गौतम अदानी यांच्या अदानी समूहाने मुकेश अंबानींच्या रिलायन्स इंडस्ट्रीजसोबत ‘नो पोचिंग करार’ केला आहे. या ‘नो पोचिंग करारा’चा अर्थ असा आहे की रिलायन्स ग्रुप आणि अदानी ग्रुपच्या कर्मचाऱ्यांना एकमेकांच्या ग्रुप कंपन्यांमध्ये स्थान मिळणार नाही. याद्वारे दोन्ही समूह कंपन्यांच्या कर्मचाऱ्यांना एकमेकांच्या कंपन्यात काम करण्यापासून रोखता येईल.

दरम्यान, अदानी समूह आणि रिलायन्स इंडस्ट्रीज, या दोघांनीही या अहवालात केलेल्या दाव्यांवर अद्याप भाष्य किंवा पुष्टी केलेली नाही. भारतातील कंपन्यांमध्ये ‘नो पोचिंग करार’ ही नवीन बाब नाही. दोन्ही गट सर्व क्षेत्रांमध्ये कार्यरत आहेत आणि ते काही उद्योगांमध्ये एकमेकांचे प्रतिस्पर्धी देखील आहेत. याशिवाय माहिती आणि तंत्रज्ञान (आयटी) क्षेत्रात मूनलाइटिंगची घटक वाढत असताना अदानी आणि अंबानी समूहाने नवा करार केला आहे.

मूनलाइटिंग प्रकरणात दिग्गज IT कंपनीची मोठी कारवाई, ३०० कर्मचाऱ्यांवर बेरोजगारीची कुऱ्हाड
कराराची वेळ महत्त्वाची
एका वृत्तानुसार हा करार यावर्षी मे महिन्यात आणण्यात आला असून तो या दोन कंपन्यांच्या सर्व व्यवसायांना लागू होईल. दोन गटांमध्ये हळूहळू स्पर्धा वाढत आहे. यापूर्वी ज्या व्यवसायांमध्ये रिलायन्स समूह आधीच मोठे नाव आहे, अशा व्यवसायांमध्ये आता अदानी समूह हळूहळू पाय रोवत आहे. याचे सर्वात मोठे उदाहरण म्हणजे गेल्या वर्षी ‘अदानी पेट्रोकेमिकल्स लिमिटेड’ सोबत अदानी समूहाने पेट्रोकेमिकल्स क्षेत्रात प्रवेश केला, ज्यामध्ये रिलायन्स इंडस्ट्रीज आधीच वर्षानुवर्षे देशातील सर्वात मोठी कंपनी म्हणून कार्यरत आहे.

तसेच अदानी समूह ऊर्जा, बंदरे, विमानतळ, अक्षय ऊर्जा आणि सौर ऊर्जा क्षेत्रातील प्रमुख कंपनी आहे. तर अदानी समूहाने अलीकडेच पेट्रोकेमिकल्स विभागात प्रवेश केला आहे, जिथे रिलायन्स इंडस्ट्रीज आधीच कार्यरत आहे.

अदानी सुसाट! दररोज केली १६०० कोटींची कमाई, जाणून घ्या अंबानीपेक्षा किती पटीने अधिक आहे श्रीमंती
करारामागील कारण काय?
याशिवाय, अलीकडेच अदानी समूहाने 5G स्पेक्ट्रमसाठी बोली लावली होती, ज्यामध्ये रिलायन्सची रिलायन्स जिओ इन्फोकॉम देशातील सर्वात मोठी कंपनी ठरली. किंबहुना कंपन्यांमधील टॅलेंट वॉर थांबावे यासाठी दोन्ही गटांनी हा करार केला आहे. अदानी समूहाने पहिल्यांदाच लिलावात भाग घेत ४०० मेगाहर्ट्झ स्पेक्ट्रम २१२ कोटी रुपयांना विकत घेतला. याशिवाय अदानी समूह आणि रिलायन्स इंडस्ट्रीजने अलीकडेच त्यांच्या रिटेल व्यवसायांना चालना देण्यासाठी मोठी गुंतवणूक करण्याची योजना जाहीर केली आहे.

आता सिमेंट क्षेत्रात ‘अदानी पॉवर’, काय आहे क्षेत्रात उतरण्याचे कारण; सांगितले पुढचे टार्गेट
कर्मचाऱ्यांच्या अडचणीत वाढ होणार
दुसरीकडे, दोन्ही कंपन्यांमधील या करारानंतर मुकेश अंबानींच्या नेतृत्वाखालील रिलायन्स कंपन्यांमध्ये काम करणाऱ्या ३.८० लाख कर्मचाऱ्यांना सध्या अदानी समूहाच्या कंपन्यांमध्ये काम करणे शक्य होणार नाही. याशिवाय अदानी समूहाच्या ज्या कंपन्यांमध्ये २३ हजारांहून अधिक कर्मचारी आहेत, त्यांना मुकेश अंबानींच्या कोणत्याही कंपनीत नोकरी करता येणार नाही.

LEAVE A REPLY

Please enter your comment!
Please enter your name here