Nia Raids Popular Front: दहशतवादी आणि त्यांच्या देशविघातक कारवायांना आर्थिक मदत केल्याप्रकरणी एनआयए, ईडी आणि एटीएसने महाराष्ट्रासह देशातील वेगवेगळ्या भागांत पॉप्युलर फ्रंट ऑफ इंडियाच्या (पीएफआय) १०६ कार्यकर्ते आणि पदाधिकाऱ्यांची धरपकड केली. त्यांच्याकडून हाती लागलेल्या साहित्यामध्ये ‘ व्हिजन ‘२०४७’ हे पुस्तक हाती लागले असून
हायलाइट्स:
- स्वातंत्र्याच्या शंभराव्या वर्षासाठी ध्येय
- शिबिरे, कार्यक्रमातून तरुणांना प्रशिक्षण
- आरोपींमध्ये उच्चशिक्षितांचा समावेश
पॉप्युलर फ्रंट ऑफ इंडिया ही संघटना समाजकार्याच्या नावाखाली देश-विदेशातून पैसे जमा करून हा निधी देशविरोधी कारवायांसाठी वापरत असल्याची माहिती भारतीय गुप्तचर यंत्रणांना मिळाली होती. देशभरात दाखल असलेल्या एक डझनहून अधिक गुन्ह्यांमध्ये कुठे ना कुठे पॉप्युलर फ्रंट ऑफ इंडियाच्या पदाधिकाऱ्यांचा संबंध येत होता. परदेशातून विशेषतः आखाती देशांमधून आलेल्या पैशाचाही गैरवापर केला जात असल्याचा संशय होता. त्यानुसार एनआयए, ईडी या सर्वच तपस यंत्रणांनी एकत्रितपणे केलेल्या तपासामध्ये तथ्य आढळल्यानंतर देशभरात बुधवारी आणि गुरुवारी विशेष धाडसत्र हाती घेण्यात आले. मुंबईतील कुर्ला, मालाड, कांदिवली आणि मुंबईच्या आजुबाजूच्या परिसरातून पाच जणांना अटक करण्यात आली. कुर्ला येथून अटक करण्यात आलेला मझहर हा संघटनेचा राज्यातील उपाध्यक्ष असून, मालाड आणि कांदिवली येथून अटक करण्यात आलेले अनुक्रमे इकबाल खान हा फिल्म स्टुडिओमध्ये काम करतो, तर मोहीम हसन हा मसाला विक्रेता आहे. अटक आरोपींकडून तपास यंत्रणांच्या हाती काही संवेदनशील साहित्य लागले असून, यामध्ये ‘व्हिजन २०४७’ या पुस्तकाचा समावेश आहे.
माथी भडकवण्याचे काम
थेट बॉम्बस्फोट अगर अन्य घातपात घडविण्याचा या संघटनेचा कट नसला तरी देशविरोधी कारवाया वेगवेगळ्या प्रकारे सुरू केल्या होत्या. भारताच्या स्वातंत्र्याच्या शंभराव्या वर्षापर्यंत हा देश मुस्लिम राष्ट्र करण्याचे ध्येय या पुस्तकात ठेवण्यात आले आहे. त्या दृष्टीने वेगवेगळी शिबिरे, कार्यक्रम घेऊन त्यातून तरुणांची माथी भडकविण्याचे काम सुरू होते. भविष्यात घडवून आणल्या जाणाऱ्या घातपातासाठी त्यांना तयार केले जात होते, असा संशय तपास यंत्रणांना असून अटक आरोपींची त्या अनुषंगाने चौकशी सुरु असल्याचे पोलिसांनी म्हटले आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
