नवी दिल्ली : भारतीय रेल्वेच्या मदतीने लाखो प्रवासी दररोज एका ठिकाणाहून दुसऱ्या ठिकाणी प्रवास करतात. त्यांच्यासाठी रेल्वे सतत आपल्या सेवांमध्ये सुधारणा करत असते. त्याचप्रमाणे IRCTC सुद्धा नवीन नियम बनवते आणि जुने नियम सुलभ करते. मात्र, तरीही अनेक प्रवासी विविध प्रकारच्या तक्रारी करत असतात. तसेच लोअर बर्थ सहज मिळत नसल्याची तक्रारही ज्येष्ठ नागरिक करत असतात.

विमान प्रवाशांसाठी महत्त्वाची बातमी; दुरुस्तीच्या कामासाठी मुंबई विमानतळ ६ तास बंद राहणार
अलीकडेच एका ट्विटर यूजरने ट्विट करत म्हटले की मी काल संध्याकाळी माझ्या काकांसाठी तिकीट बुक केले (PNR २४४८४०७९२९), ज्यामध्ये मी प्रथम प्राधान्याने खालच्या बर्थचा पर्याय निवडला कारण त्यांच्या एका पायाचा पंचा कापला आहे आणि वरच्या किंवा मधल्या बर्थवर प्रवास करू शकत नाही. पण असे असूनही मला वरचा बर्थ मिळाला. या ट्विटला उत्तर देताना IRCTC ने त्या व्यक्तीला लोअर बर्थ का मिळाला नाही हे स्पष्ट केले. आयआरसीटीसीने ट्विटमध्ये म्हटले आहे की, “सर, पीएनआर क्र. २४४८४०७९२९ सर्वसाधारण कोट्यात बुक केले आहे. तुम्ही सर्वसाधारण कोट्यात खालच्या बर्थला प्राधान्य देऊ शकता, पण बर्थचे वाटप उपलब्धतेवर अवलंबून असते. त्यानंतर तुम्हाला आरक्षणाचा “लोअर बर्थ अलॉट असेल तरच बुक करा”चा पर्याय निवडावा लागेल.

…तर रेल्वेकडून प्रवाशांना फुकटात जेवण; कसा घ्याल लाभ? जाणून घ्या कामाची माहिती
आणखी एका ट्विटमध्ये, IRCTC ने पुढे लिहिले की, “कृपया लक्षात घ्या की सर्वसाधारण कोट्यातील खालच्या बर्थचे वाटप पूर्णपणे उपलब्धतेच्या अधीन आहे आणि त्यात कोणताही मानवी हस्तक्षेप नाही. तसेच, तुम्ही ऑन ड्युटी टीटीईंशी (TTE) संपर्क साधू शकता, ज्यांना गरजूंना खालचा बर्थ देण्यासाठी अधिकृत केले आहे.”

नियमांनुसार ज्येष्ठ नागरिकांसाठी आरक्षित झोपण्याच्या वर्गासह सर्व गाड्यांमध्ये स्लीपर क्लासमध्ये सहा लोअर बर्थ आणि एसी-३ टायर आणि एसी-२ टियर क्लासमध्ये प्रत्येक डब्यात ३ लोअर बर्थचा कोटा निश्चित करण्यात आला आहे. त्याचवेळी, ट्रेन सुटल्यानंतर खालचा कोणताही बर्थ रिकामा असल्यास वरचा किंवा मधला बर्थ मिळालेल्या कोणत्याही दिव्यांग व्यक्ती, ज्येष्ठ नागरिक किंवा गर्भवती महिलेच्या विनंतीनुसार तसे केले जाईल. चार्टमध्ये आवश्यक बदल करून ऑन-बोर्ड तिकीट तपासणी करणार्‍या कर्मचार्‍यांच्या खाली जागा दिली जाऊ शकते.

वंदे भारत १८०च्या स्पीडने धावली; तरीही पूर्ण भरलेल्या ग्लासातला एक थेंबदेखील सांडला नाही
४५ वर्षे आणि त्याहून अधिक वयाच्या महिला आणि गर्भवती महिला प्रवासी यांनाही भारतीय रेल्वे ही सुविधा उपलब्ध करून देते. याशिवाय राजधानी, दुरांतो आणि पूर्णपणे वातानुकूलित/एक्स्प्रेस गाड्यांच्या बाबतीत, 3AC मध्ये या कोट्याअंतर्गत निर्धारित केल्या जाणाऱ्या बर्थची संख्या सामान्य मेल/एक्स्प्रेस गाड्यांमधील प्रति डब्यात ३ लोअर बर्थच्या तुलनेत प्रति डबा ४ लोअर बर्थ आहे.

LEAVE A REPLY

Please enter your comment!
Please enter your name here