Authored by सचिन जिरे | Edited by प्रशांत पाटील | महाराष्ट्र टाइम्स.कॉम | Updated: Sep 24, 2022, 1:55 PM
Aurangbad News : देश विरोधी कारवाया केल्याच्या आरोपावरून ए.टी.एस पथकाने ‘पॉप्युलर फ्रंट ऑफ इंडिया’ या संघटनेच्या महाराष्ट्र अध्यक्ष शेख नासीर शेख साबेर उर्फ नदवी (वय -३७) (रा.बायजीपुरा, औरंगाबाद) यास अटक केली आहे. न्यायालयाने आरोपीला दोन ऑक्टोबरपर्यंत कोठडी सुनावली आहे.
हायलाइट्स:
- पॉप्युलर फ्रंटच्या राज्य अध्यक्षाला अटक
- दोन ऑक्टोबरपर्यंत पोलीस कोठडी
- शेख विरोधात देश विरोधी कट रचल्याचा आरोप
दहशतवाद विरोधी पथकाने पीएफआय या संघटनेच्या शेख इरफान शेख सलीम उर्फ मौलाना इरफान मिल्ली, सय्यद फैजलं सय्यद खालील, परवेज खान मुजमिल खान, अब्दुल हादी, अब्दुल रौफ अशा चार जणांना अटक करण्यात आली होती. मात्र, महाराष्ट्राचा प्रमुख असलेल्या शेख याची पथकाकडून चौकशी सुरु होती. अखेर त्यास पोलिसांनी अटक केली. शेख विरोधात देश विरोधी कट रचल्याचा आरोप आहे.
परभणीचे खासदार संजय जाधव यांच्या गाडीला अपघात, स्कॉर्पिओ गाडीला समोरासमोर धडक
आरोपीला ए.टी.एसच्या विशेष न्यायालयात हजर करण्यात आले असता संशयिताला टेरर फंडिंग मिळाली आहे का? याची शहानिशा करणे आहे. त्याच बरोबर बँक खाती तपासणे आहे. कोणासोबत संपर्क आला आहे का? याची संपूर्ण तपासणी करायची असल्याने कोठडीची विनंती सरकारी वकिलाकडून करण्यात आली होती. न्यायालयाने आरोपी शेखला नऊ दिवसांची कोठडी सुनावली आहे.
खरा दसरा मेळावा शिंदेचाच; ठाकरेंना शिवतीर्थावर परवानगी मिळाल्यानंतर शीतल म्हात्रेंची प्रतिक्रिया
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
