चीनमध्ये लष्कराच्या हालचालींचा एक व्हिडीओ सोशल मीडियावर व्हायरल झाला आहे. चीनमधील कम्युनिस्ट पक्षानं जिनपिंग यांना लष्करप्रमुख पदावरून हटवून नजरकैदेत ठेवल्याचा दावा चीनशी संबंधित अनेक सोशल मीडिया अकाऊंट्सवरून केला जात आहे. लष्करानं बीजिंगवर कब्जा केला आहे. चीनचे माजी राष्ट्रपती हू जिनताओ आणि माजी पंतप्रधान वेन जियाबाओ सक्रिय झाल्याची माहिती चीनशी संबंधित सोशल मीडियावरून समोर येत आहे.
पुतीन यांच्या घोषणेनं रशियात खळबळ; नागरिक देश सोडण्याच्या तयारीत, फ्लाईट्स फुल्ल
शी जिनपिंग समरकंदहून परतताच १६ सप्टेंबरलाच त्यांना विमानतळावरून ताब्यात घेण्यात आलं, असा दावा अफवांमधून केला जात आहे. जिनपिंग यांना नजरकैदेत ठेवण्यात आल्याची दाट शक्यता आहे. चीनमधील अनेक विमानांची उड्डाणं रद्द करण्यात आली आहेत. मात्र या दाव्यांना अद्याप कोणताही अधिकृत दुजोरा मिळालेला नाही.
