सूरत : गुजरातच्या सुरतमधील महिधरपुरा भागातून जात असताना एका कार चालकाने रस्त्यावर रडणाऱ्या एका वृद्धाला लिफ्ट दिली. मात्र, परोपकार करण्यासाठी पुढे सरसावलेला हा कार चालक हनी ट्रॅपचा बळी ठरला. हनी ट्रॅपमध्ये अडकलेल्या कार चालकाला ५ लाख रुपये द्यावे लागले. या धक्कादायक घटनेच्या १ महिन्यानंतर कार चालकाने पोलिसात तक्रार केली. याप्रकरणी पोलिसांनी एका महिलेसह चौघांना अटक केली आहे. (a car driver gave lift to an senior citizen who told that his son is admitted in hospital)

सूरतचे पोलिस आयुक्त अजय कुमार तोमर यांनी या घटनेबाबत माहिती देताना सांगितले की, गेल्या महिन्यात २५ ऑगस्ट रोजी एक कार चालक कार घेऊन महिधरपुरा भागातून जात होता. त्याचवेळी एका वृद्धाने गाडीच्या चालकाला लिफ्ट मागण्याचा इशारा करत थांबवले. ही वयोवृद्ध व्यक्ती रडत असल्याचे पाहून कार चालकाने कार थांबवली आणि ते का रडत आहेत याचे कारण विचारले. तेव्हा वृद्धाने सांगितले की, माझा मुलगा रुग्णालयात दाखल आहे, मला त्याच्याकडे कोणत्याही परिस्थितीत तातडीने पोहोचायचे आहे.

एकदम छप्पर फाड़ के! रिक्षा चालकाने ३ लाखांच्या कर्जासाठी अर्ज केला, दुसऱ्या दिवशी लागली २५ कोटींची लॉटरी
कार चालकाने माणुसकी दाखवत वृद्धाला गाडीत बसवले आणि त्याने सांगितलेल्या पत्त्यावर तो घेऊन गेला. वाटेत अचानक वृद्धाने कार चालकाच्या मानेवर चाकू ठेवला आणि जीवे मारण्याची धमकी देत मी जिथे जायला सांगतोय तिथे चल, असे सांगितले. वृद्धाचे हे कृत्य पाहून कारचालक घाबरला आणि त्याने सांगितलेल्या पत्त्यावर कार नेली.

वृद्धाने गाडी चालकाला एका अनोळखी फ्लॅटवर नेले

कार सुरत शहरातील अडाजन भागातील मधुबन सर्कलजवळ पोहोचली. तिथे कार थांबवून त्या वृद्धाने कार चालकाला एका अज्ञात फ्लॅटमध्ये नेले. त्या फ्लॅटमध्ये दोन पुरुष आणि दोन महिला आधीच हजर होत्या. तेथे उपस्थित असलेल्या एका व्यक्तीने पोलिस असल्याची बतावणी करून चालकाला धमकावत काही आक्षेपार्ह फोटो काढले. यानंतर फोटो व्हायरल करण्याची धमकी देऊन २० लाख रुपयांची मागणी केली. तसेच पोलिस ठाण्यात नेण्याची धमकी सुद्धा दिली.

अबब…! १० फूट लांबीची, ६० दात असलेली महाकाय पाल पाहिली आहे का?, तोंडात विष; अस्वल, म्हशींना करते फस्त
आपण पुरते फसलो असल्याचे कार चालकाच्या लक्षात आले. यातून बाहेर पडण्यासाठी कार चालकाने त्यांना ५ लाख रुपये दिले. यानंतर आरोपींनी ड्रायव्हरला सुरतच्या मोती टॉकीजजवळ सोडले. या घटनेने कार चालक घाबरला. एका महिन्यानंतर, त्याने हिंमत दाखवली आणि २३ सप्टेंबर रोजी सुरतमधील अडाजन पोलिस ठाण्यात आपण हनी ट्रॅपमध्ये अडकल्याची तक्रार दाखल केली.

पोलिसांनी आरोपीला पकडले

तक्रार दाखल झाल्यानंतर सुरत गुन्हे शाखेच्या पथकाने आरोपीला अटक केली आहे. दरम्यान, शहरात अशा हनी ट्रॅपचा कोणी बळी गेला असेल, तर त्यांनी मोकळेपणाने पोलिसांशी संपर्क साधावा, पोलिस सर्वतोपरी मदत करतील, असे आवाहन पोलीस आयुक्त अजय कुमार तोमर यांनी नागरिकांना केले आहे.

धक्कादायक! पाचवीतील विद्यार्थिनींना शिक्षक वर्गात हे काय दाखवत होता, विद्यार्थिनींनी हिंमत करून पालकांना सगळे सांगितले

LEAVE A REPLY

Please enter your comment!
Please enter your name here