Message for Extortion, पुण्यात खळबळ! भाजप आमदार माधुरी मिसाळ यांना खंडणीसाठी मेसेज, पैसे न दिल्यास जीवे मारण्याचीही धमकी – message for extortion to bjp mla madhuri misal and her brother in law baba misal threat of death if not paid

या प्रकरणी दीपक मिसाळ यांनी बिबवेवाडी पोलीस ठाण्यात फिर्याद दाखल केली आहे. दीपक मिसाळ यांच्या फिर्यादीनंतर बिबवेवाडी पोलिसांनी इम्रान समीर शेख ( विकासनगर , घोरपडीगाव ) याला अटक केली आहे. यापूर्वी इम्रान शेख याच्यावर चंदननगर पोलीस ठाण्यात गुन्हा दाखल असल्याचे तपासात समोर आले आहे.

आईला भेटायला जातो, पण फोटो काढत नाही; अजित पवारांचा पंतप्रधानांना अप्रत्यक्ष टोला
पोलिसांनी दिलेल्या माहितीनुसार, फिर्यादी दीपक मिसाळ यांचा मोबाईल तसेच त्यांची भावजय आमदार माधुरी मिसाळ यांचा जनसंपर्कासाठीचा संपर्क क्रमांक याच्यावर आरोपीने मेसेज केले आहे. त्याने कधी २ लाख, कधी ३ लाख, तर कधी ५ लाख रुपयांची खंडणी मागणारे मेसेज केले आहे. सुरुवातीला त्यांनी अशा मेसेजकडे दुर्लक्ष केले होते. त्यानंतर या व्यातिरिक्त आणखी एका मोबाईल क्रमांकावर त्याने पैसे न दिल्यास जीवे ठार मारण्याची धमकी दिली. त्यानंतर दीपक मिसाळ यांनी पोलिसांकडे तक्रार अर्ज दिला होता. त्यानंतर पोलिसांनी भा. द. वि. ३८६ आणि आय टी अ‍ॅक्ट कलम ६६ सी नुसार गुन्हा दाखल केला आहे.

हे सर्कस सरकार, खरे मुख्यमंत्री कोण हेच कळत नाही; आदित्य ठाकरेंचा शिंदेंवर हल्लाबोल
याबाबत आमदार माधुरी मिसाळ यांनी अधिक माहिती देताना म्हंटल आहे की, माझे दिर दीपक मिसाळ यांना त्यांच्या मोबाईलवर दिवसाला ४० ते ५० धमकीचे मेसेज येत आहेत. पैसे नाही दिले तर बलात्काराची केस दाखल करू असा मेसेज पाठवत आहे. दिवसेंदिवस ते खंडणीची रक्कम वाढवत आहेत. २ दिवसाआधी तक्रार देऊन ही काल रात्री १२ वाजेपर्यंत मेसेज येत होते. आणि शेवटचा मेसेज असा होता की त्यात पैसे नाही दिले, तर मारून टाकू अशी धमकीच देण्यात आली होती.

पुणेकरांसाठी महत्त्वाची बातमी; चांदणी चौकातील तो जुना पूल पाडण्याचा दिवस अखेर ठरला
या प्रकरणी पोलीस तपास करत आहेत. ज्या ज्या मुलांची यात नावे येत आहेत, त्या मुलाचे अकाऊंट हॅक झाले आहेत. जवळजवळ १५ ते १६ नंबरवरून हे मॅसेज येत आहे, अशी माहिती यावेळी आमदार माधुरी मिसाळ यांनी दिली आहे. हा सगळा प्रकार हा प्रकार १८ ते २३ सप्टेंबर दरम्यान घडला आहे.