चंद्रपूर : जिल्ह्यातील ब्रम्हपूरी तालुक्यात येणाऱ्या देलनवाडी भागातील सहकार कॉलनी भागात राहणारे रमाकांत ठाकरे यांचे कुटुंबाने आर्थिक बाबीला कंटाळून विष प्राशन करून सामूहिक आत्महत्या करण्याचा प्रयत्न केल्याची घटना आज उघडकीस आली.सदर प्रकरणात महिलेचा मृत्यू झाला तर वडील व दोन मुलांची प्रकृती चिंताजनक असल्याने शहरात खळबळ उडाली आहे. (In Chandrapur, all of the same family tried to commit suicide, one lost his life)

ब्रम्हपूरी शहरातील सहकार कॉलनी येथील एका अपार्टमेंट मध्ये रमाकांत दामोधर ठाकरे (वय ५५ वर्षे ) हे पत्नी गीता (वय ५० वर्षे ) व मुलगा राहुल (वय २८ वर्षे ) मनोज ( वय २६ वर्षे ) यांच्यासह भाड्याच्या फ्लॅट मध्ये राहतात. मागच्या काही दिवसापासून त्यांच्या हाताला काम नव्हते. घराचा प्रपंच सांभाळताना त्यांना आर्थिक अडचणींमुळे खूपच त्रास होत होता. प्राप्त माहिती नुसार, त्यांच्याकडे मोबाईल रिचार्ज करण्यासाठी सुद्धा पैसे नसल्याने त्यांनी घरी असलेले मोबाईल विकून घराचा खर्च चालवला असल्याची धक्कादायक माहिती आहे.

IND vs AUS सामन्यात स्टेडिअममध्ये ‘५० खोके एकदम ओक्के’चा गजर, वाचा नेमकं काय घडलं?
शुक्रवार, दिनाक २३ सप्टेंबरला मध्यरात्री चौघांनी मिळून चर्चा करून आत्महत्या करण्याचा विचार पक्का केला. रात्री १२ नंतर त्यांनी दोन तीन प्रकारचे कीटकनाशक एकत्र मिसळून एक एक ग्लास ते प्राशन केले. दोन दिवसापासून त्यांनी काहीच खाल्ले नसल्याची माहिती आहे. विष घेतल्यानंतर ते काल दिवसभर अत्यावस्थेत पडून होते. आज दिनाक २५ सप्टेंबरला अगदी पहाटे रमाकांत यांना थोडी शुद्धी आली तेव्हा त्यांनी बघितले की दोन्ही मुले जिवंत आहेत. मात्र पत्नी निपचित पडून असलेली दिसली.

मुख्यमंत्र्यांच्या खुर्चीत श्रीकांत शिंदे; मुनगंटीवार म्हणाले आक्षेपार्ह काय? शिंदेंनी मलाही सांगितलं
पहाटे ५ वाजण्याच्या दरम्यान रमाकांतने तशाच अवस्थेत सायकलने लहान भावाचे घर गाठून त्याला ही कल्पना दिली. रमाकांतचा भावाने लगेच आपल्या वाहनाने चारही लोकांना ग्रामीण रुग्णालय ब्रम्हपुरी येथे भरती केले. उपचारादरम्यान गीता ठाकरे यांचे निधन झाले. तर, पती रमाकांत यांना ब्रम्हपुरीतील एका खासगी रूग्णालयात दाखल करण्यात आले. तसेच दोन्ही मुलांना गडचिरोलीला उपचारार्थ पाठवण्यात आल्याची माहिती आहे. पुढील तपास ब्रम्हपुरी पोलिस करत आहेत.

१४ वर्षांची मुलगी आणि सेक्स रॅकेट; गुप्त माहिती मिळाल्यानंतर पोलिसांनी धाड टाकताच धक्कादायक घटना उघड

LEAVE A REPLY

Please enter your comment!
Please enter your name here