लखनऊ: उत्तर प्रदेशची राजधानी लखनऊमध्ये राष्ट्रीय नेमबाज आणि कंत्राटदार प्रशांत विजय सिंह यांनी गळफास लावून आत्महत्या केली आहे. शनिवारी सकाळी सिंह यांचा मृतदेह आढळून आला. आत्महत्येपूर्वी लिहिलेल्या चिठ्ठीत त्यांनी सार्वजनिक बांधकाम विभागातील महिला अधिकाऱ्याचं नाव नमूद केलं आहे. अधिकाऱ्यानं केलेल्या छळामुळे आत्महत्या करत असल्याचं सिंह यांनी चिठ्ठीत म्हटलं आहे. या अधिकाऱ्यानं सिंह यांच्यावर बलात्काराचे आरोप केले होते. त्यामुळे सिंह यांना तुरुंगात जावं लागलं. त्यानंतर त्यांना जामीन मिळाला. आपला छळ केला जात असल्याचं सिंह यांनी चिठ्ठीत नमूद केलं आहे.

तू माझ्यासोबत असं का केलंस? बलात्काराचा खोटा गुन्हा का दाखल केलास? तू आणि तुझ्या वडिलांनी मिळून षडयंत्र का रचलं?, असे प्रश्न सिंह यांनी चिठ्ठीत विचारले आहेत. जर मी चूक केली असती, तर त्याची शिक्षा मला द्यायची होती. तुझ्या वडिलांना फोन करणं, तुझ्या ऑफिसमध्ये फोन करणं, तुझ्या घरी येणं, याची शिक्षा द्यायची होती. आज मी जातोय. पण देव तुला कधीच माफ करणार नाही, असं सिंह यांनी चिठ्ठीत म्हटलं आहे. गोमतीनगरमध्ये असलेल्या शिप्रा अपार्टमेंटमधील राहत्या घरी सिंह यांनी गळफास घेतला.
३० कोटींच्या कर्जाच्या आमिषानं घातला गंडा; प्रसिद्ध बिल्डरनं जीवन संपवण्याचं कारण समोर
प्रशांत सिंह शिप्रा अपार्टमेंटमधील व्ही ब्लॉकमधील फ्लॅट क्रमांक १०१ मध्ये कुटुंबासह वास्तव्यास होते, अशी माहिती त्यांचे धाकटे बंधू स्वतंत्र सिंह यांनी दिली. शुक्रवारी रात्री प्रशांत यांनी त्यांचा मुलगा राघवला दुसऱ्या खोलीत अभ्यासासाठी पाठवलं. त्यानंतर त्यांनी खोलीचं दार लावून आत्महत्या केली.

थोड्या वेळानं प्रशांत यांची वहिनी नितिशानं दार ठोठावलं. मात्र दरवाजा बराच वेळ उघडला नाही. त्यामुळे त्यांना काहीतरी अघटित घडल्याची शंका आली. त्यांनी खिडकीतून आत डोकावून पाहिलं असता प्रशांत यांचा मृतदेह गळफास लावलेल्या अवस्थेत दिसला. दरवाजा तोडून मृतदेह खाली उतरवण्यात आला. घटनेची माहिती पोलिसांना देण्यात आली. त्यांनी मृतदेह ताब्यात घेऊन शवविच्छेदनासाठी पाठवला. या प्रकरणी स्वतंत्र सिंह यांनी सार्वजनिक बांधकाम विभागातील महिला अधिकारी आणि त्यांच्या वडिलांविरोधात गोमती नगर पोलीस ठाण्यात तक्रार नोंदवली आहे.
ऍक्टिंग जीवघेणी ठरली! मोठ्या भावाला अभिनय करून दाखवताना स्टूल सरकला अन् सारंच संपलं
सार्वजनिक बांधकाम विभागातील महिला कर्मचाऱ्यानं प्रशांत यांच्याविरोधात बलात्काराची तक्रार नोंदवली होती. इंदिरा नगर पोलीस ठाण्यात प्रशांत यांच्याविरोधात गुन्हा दाखल करण्यात आला. या प्रकरणात प्रशांत सिंह यांना मेमध्ये अटक झाली. जुलैमध्ये त्यांना जामीन मिळाला. तेव्हापासून प्रशांत सिंह तणावाखाली होते.

24 COMMENTS

LEAVE A REPLY

Please enter your comment!
Please enter your name here