Authored by टीम मटा ऑनलाइन | Edited by प्रशांत पाटील | महाराष्ट्र टाइम्स.कॉम | Updated: Sep 26, 2022, 9:18 AM
Mumbai News : मेट्रोच्या पिलरचं काम सुरु असताना शेजारी असलेल्या चाळीतील घरं आणि काही घरांची भिंती कोसळ्याची धक्कादायक घटना समोर आली आहे. पालिकेच्या आपत्कालीन व्यवस्थापन विभागाने दिलेल्या माहितीनुसार या दुर्घटनेत कोणीही जखमी झाल्याचं वृत्त नाही.
हायलाइट्स:
- मुंबईत विलेपार्लेत धोकादायक असलेली घरं कोसळली
- विलेपार्ले पश्चिमेकडील इंदिरा नगर परिसरात मेट्रोचे काम सुरु
- सुदैवाने कोणतीही जिवीतहानी नाही
विलेपार्ले जुहू रोड मिठीबाई कॉलेजजवळील नाल्यास लागून इंदिरानगर एक झोपडपट्टी आहे. रविवारी रात्री ८.३०च्या सुमारास नाल्यावरील ३० ते ४० झोपड्या धोकादायक होऊन कोसळत आल्याचे लक्षात आले. तेव्हा, स्थानिकांनी याची माहिती पोलीस नियंत्रण कक्षास दिली. त्यानंतर, अग्निशमन दल, पोलिस, पालिका अधिकारी-कर्मचारी घटनास्थळी बचवकार्यासाठी पोहोचले. तेव्हा, त्यातील सात झोपड्यांचा काही भाग नाल्यात पडल्याचे स्पष्ट झाले. त्यानंतर धोकादायक झालेल्या २४ झोपड्या रिकाम्या करताना त्यातील रहिवाशांना पालिका शाळेत तात्पुरता निवारा देण्यात आला आहे. या सर्व रहिवाशांची जेवणाची आणि पाण्याची व्यवस्था करण्यात आली आहे.
Tanaji Sawant: राज्यात सत्तांतर होताच लगेच तुम्हाला मराठा आरक्षणाची खाज सुटली: तानाजी सावंत
विलेपार्ले पश्चिमेकडील इंदिरा नगर परिसरात मेट्रोचे काम सुरु आहे. त्यामुळे आजुबाजूच्या घरांना तडे गेले आहेत. यातील सात घरांचा काही भाग कोसळला आहे. तर काही घरांना तडे गेले आहेत. यातील काही घरे नाल्यालगतची कोसळू शकतात, अशी भीती स्थानिकांनी व्यक्त केली आहे. सध्या घटनास्थळी अग्निशमन दल पोहोचलेले असून बीएमसी या प्रकरणाचा तपास करत आहे.
Breaking: नदीत बोट पलटून मोठा अपघात, २० जणांचा बुडून मृत्यू, अनेक जण बेपत्ता
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
