Authored by टीम मटा ऑनलाइन | Edited by प्रशांत पाटील | महाराष्ट्र टाइम्स.कॉम | Updated: Sep 26, 2022, 10:11 AM
Accident News : हिमाचल प्रदेशातील कुल्लू जिल्ह्यात रविवारी रात्री मोठी दुर्घटना घडली. पर्यटकांनी भरलेला एक टेम्पो ट्रॅव्हलर दरीत कोसळल्याने त्या ट्रॅव्हलरमधील सात जणांचा जागीच मृत्यू झाला तर १० जण गंभीर जखमी झाले आहेत. बंजारचे भाजप आमदार सुरेंद्र शौरी यांनी दुपारी १२.४५ वाजता फेसबुक लाईव्ह करून अपघाताची माहिती दिली.
हायलाइट्स:
- टेम्पो ट्रॅव्हलर दरीत कोसळल्याने भीषण अपघात
- या भीषण अपघातात ७ जणांचा जागीच मृत्यू
- हिमाचल प्रदेशमधील कु्ल्लू येथील घटना
बंजारचे भाजप आमदार सुरेंद्र शौरी यांनी दुपारी १२.४५ वाजता फेसबुक लाईव्ह करून अपघाताची माहिती दिली. त्यांनी सांगितले की, ट्रॅव्हलरमध्ये राजस्थान, मध्य प्रदेश, हरियाणा, दिल्ली अशा अनेक राज्यांतील प्रवासी होते. मृतांची ओळख पटवण्याचे काम सुरू असल्याचे आमदार म्हणाले. अंधार असतानाही बचावकार्य राबविल्याबद्दल त्यांनी जिल्हा प्रशासन आणि स्थानिक लोकांचे आभार मानले.
गुंतवणूकदारांना धक्का…शेअर बाजारात मोठी घसरण; बाजार उघडताच सेन्सेक्स आणि निफ्टी कोसळले
अंधारात तीन तास बचावकार्य होते सुरु
रविवारी रात्री साडे आठच्या सुमारास बंजार विधानसभा मतदारसंघातील घियागी येथील हायवे – ३०५ वरील जलोदाजवळ हा अपघात झाला. रात्री ११.३५ वाजता बचावकार्य संपले. मिळालेल्या माहितीनुसार, अपघातात जखमी झालेल्या १० पैकी ५ जणांना कुल्लू येथील झोनल हॉस्पिटलमध्ये हलवण्यात आले आहे. तर ५ जणांवर बंजार येथील रुग्णालयात उपचार सुरू आहेत.
मी वाचलो नाहीतर गाडीसह गाडलो गेलो असतो; आजोबांनी सांगितला थरार
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
