पुणे : आपल्या वादग्रस्त वक्तव्यसाठी कायमच चर्चेत असणारे आरोग्यमंत्री तानाजी सावंत यांच्या एका नव्या विधानाने अजून एक वाद उभा राहिला आहे. मराठा आरक्षणासंदर्भात बोलताना तानाजी सावंत यांची जीभ घसरली आहे. “आता राज्यात सत्तांतर होताच तुम्हाला लगेच मराठा आरक्षणाची खाज सुटली”. असं वादग्रस्त विधान तानाजी सावंत यांनी केले आहे. मात्र, आता तानाजी सावंत यांच्या विधानाची सारवासारव भाजप नेते चंद्रकांत पाटील यांनी केली असून तानाजी सावंतांच्या बचावासाठी चंद्रकांत पाटील मैदानात उतरले आहेत.

तानाजी सावंत यांनी एखादं वाक्य म्हटलं की त्याची तोडमोड करुन ते समोर आणलं जातं. त्यातला ग्रामीण आणि शहरी भावना व्यक्त करण्याचा फरक समजून घेतला पाहिजे. आमच्या रावसाहेब दानवे यांच्या बाबतीत नेहमी हेच होतं. पण ग्रामीण भागातल्या लोकांना विचारलं की ते म्हणतात यात काय आहे तसं त्यांना म्हणायचं नव्हतं. तानाजी सावंतांना एवढेच म्हणायचं होतं की मराठा समाजाला आरक्षण जवळजवळ स्वातंत्र्यापासून पहिल्यांदा देवेंद्रजी यांनी दिलं म्हणजे बीजेपी सरकारने दिलं ते हायकोर्टात टिकवलं ते सुप्रीम कोर्टात एक वर्ष टिकवलं मग अडीच वर्षात आंदोलन का केली नाही?. असं तानाजी सावंत यांचा म्हणण्याचा अर्थ आहे. माझी हात जोडून विनंती आहे की उठ सूट गैरसमज करुन घेण्याचा काही गरज नाही. त्यामुळे त्यांचा म्हणण्याचा एवढाच अर्थ आहे की अडीच वर्ष का शांत बसला? त्यांचं पुढचं वाक्य हे होतं की आता आपलं सरकार आलंय आपण करुयात.असं चंद्रकांत पाटील म्हणाले आहेत.

Tanaji Sawant: मराठा आरक्षणाबाबत वादग्रस्त वक्तव्य, मराठा क्रांती मोर्चाचा तानाजी सावंतांना निर्वाणीचा इशारा
काय म्हणाले होते तानाजी सावंत ?

मराठा समाजाकडून आम्हाला ओबीसी किंवा अनुसूचित जाती प्रवर्गातून आरक्षण द्या, अशी मागणी केली जात आहे. या सगळ्यामागचा कर्ता करविता कोण आहे, हे तुम्हा-आम्हाला समजणे गरजेचे आहे. सगळ्यांना याबाबत माहिती आहे, पण कोणी बोलत नाही. दोनवेळा आरक्षण गेल्यानंतर मराठा समाज गप्प राहिला. पण आता राज्यात सत्तांतर होताच तुम्हाला लगेच मराठा आरक्षणाची खाज सुटली. असं विधान तानाजी सावंत यांनी केलं आहे.

अजित पवार विरोधीपक्ष नेते त्यामुळे त्यांना बोलावं लागतं

शिंदे-फडणवीस सरकारने पालकमंत्री जाहीर केल्यानंतर विरोधीपक्ष नेते अजित पवार यांनी एका मंत्र्यांकडे जास्त जिल्हे दिल्यावरुन निशाणा साधला होता. त्यावर देखील चंद्रकांत पाटील यांनी प्रतिक्रिया दिली आहे. अजितदादा विरोधी पक्षाचे नेते असल्यामुळे त्यांना तसं म्हणावं लागत. अजित दादा वस्तूस्थिती जाणणारे आहेत असे मी मानतो त्यामुळे सहा जिल्हे हे काय दोन वर्षांसाठी राहणार नाहीत ही टाईम बिंग अरेंजमेंट आहे. असं चंद्रकांत पाटील म्हणालेत.

पुण्यात पीआयएफच्या आंदोलनात पाकिस्तान जिंदाबादच्या घोषणा देण्यात आल्या त्याविरोधात कारवाई करण्याच्या बाबतीत चंद्रकांत पाटील यांना विचारले असता ते म्हणाले, अशा देशाच्या सुरक्षेच्या दृष्टिकोनातून संवेदनशील असलेल्या विषयाने आपल्याला अपुरी माहिती असेल तर आपण काही म्हणू नये. मी यावर कुठलीही टिप्पणी करणार नाही गृहमंत्री कायद्याचे तज्ञ आहेत कायद्याचे विद्यार्थी आहेत त्यामुळे ते योग्य भूमिका घेतात. तर, हा सेंसिबल विषय आहे. गुप्तता राखण्याचा विषय आहे. पोलीस डिपार्टमेंट वर कोणीही प्रेशर आणू नये. तुम्ही काय करताय तुम्ही काय करताय असं विचारु नये, असं चंद्रकांत पाटील यावेळी म्हणालेत.

कर्णधाराने मालिका विजयानंतर परंपरा मोडली, रोहित शर्माने नेमकं काय केले, पाहा VIDEO

LEAVE A REPLY

Please enter your comment!
Please enter your name here