NASA dart mission successful: अमेरिकन अंतराळ संस्था नासानं मंगळवारी सकाळी इतिहास रचला आहे. पृथ्वीला लघुग्रहाच्या धोक्यापासून वाचवण्याच्या अभ्यासाअंतर्गत नासानं डार्ट मिशन हाती घेतलं होतं. लघुग्रहाला धडक देऊन त्याची दिशा बदलण्याचं काम या मोहिमेअंतर्गत करण्यात येणार होतं. ही मोहीम सफल झाली आहे.
पृथ्वीच्या दिशेनं येणाऱ्या धोकादायक लघुग्रहाची दिशा बदलण्यासाठी नासानं डार्ट मिशन हाती घेतलं होतं. अशा प्रकारची चाचणी नासानं प्रथमच घेतली. फ्रिजपासून कारपर्यंतच्या आकाराचे लघुग्रह पृथ्वीच्या कक्षेत प्रवेश करतात. यातील अनेक लघुग्रह वातावरणातील घर्षणामुळे नष्ट होतात. मात्र अंतराळात अद्यापही अनेक लघुग्रह आहेत. त्यांच्यामुळे पृथ्वीला धोका होऊ शकतो.
एलियन जगाशी संपर्क! अंतराळातून ८२ तासांत जवळपास २००० रहस्यमयी सिग्नल, शास्त्रज्ञांची झोप उडाली
भविष्यात लघुग्रहामुळे पृथ्वीवर संकट ओढावू शकतं. अशा परिस्थितीत पृथ्वीला वाचवण्यासाठी आता यशस्वी झालेल्या मिशन डार्ट कामी येऊ शकतं. पृथ्वीच्या दिशेनं येणाऱ्या लघुग्रहाला अंतराळयानानं धडक देऊन त्याची दिशा आणि गती बदलली जाऊ शकते हे आजच्या प्रयोगामुळे दिसून आलं आहे. भविष्यात पृथ्वीला सर्वाधिक धोका लघुग्रहांमुळे असेल. त्यानंतर वातावरणातील बदलांचा क्रमांक येतो.
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
