गुंतवणूकदारांची बल्ले-बल्ले, IPO खुला होताच घसरत्या बाजारातही मिळाला ३६ टक्के परतावाबाजाराची सुरुवात कशी झाली?
शेअर बाजारात आठवड्याच्या सुरुवातीच्या जोरदार घसरणीनंतर आज सुरुवातीच्या व्यवहारात वाढ झाली आहे. बीएसईचा ३० शेअर्सचा निर्देशांक सेन्सेक्स २३१.३० अंकांनी किंवा ०.४० टक्क्यांनी वाढून ५७,३७६ च्या पातळीवर उघडला आहे. तसेच एनएसईचा निफ्टी ९४.६० अंक किंवा ०.५६ टक्क्यांच्या बळावर १७,११० वर उघडण्यात यशस्वी झाला आहे.
शेअर बाजारातून बक्कळ कमाई करायची असेल तर ‘ही’ गोष्टी लक्षात ठेवा, जाणून घ्या काय करायचे
प्री-ओपनमध्ये मार्केटची स्थिती काय?
आज बाजाराच्या सुरुवातीपूर्वी सेन्सेक्स आणि निफ्टी हिरव्या रंगात व्यवहार करत होते. सेन्सेक्स १३८ अंकांच्या किंवा ०.२४ टक्क्यांच्या वाढीसह ५७,२८३ च्या पातळीवर व्यवहार करत होता. दुसरीकडे, एनएसईचा निफ्टी १२२ अंकांच्या किंवा ०.७२ टक्क्यांच्या उसळीसह १७,१३८ च्या पातळीवर व्यवहार करत होता.
सेन्सेक्समध्ये कोणते शेअर्स वाढले
सेन्सेक्समध्ये एचयूएल, बजाज फिनसर्व्ह, इन्फोसिस, नेस्ले आणि भारती एअरटेल याशिवाय सन फार्मा, एचसीएल टेक, अल्ट्राटेक सिमेंट, डॉ रेड्डीज लॅब्स, कोटक महिंद्रा बँक, एचडीएफसी, आयटीसी, आयसीआयसीआय बँक, टेक महिंद्रा, बजाज फायनान्स, रिलायन्स इंडस्ट्रीज, टीसीएस, एसबीआय, एचडीएफसी बँक, एल अँड टी, टायटन, एसबीआय, अॅक्सिस बँक, एनटीपीसी, विप्रो, इंडसइंड बँक, मारुती सुझुकी, टाटा स्टील, एम अँड एम आणि पॉवरग्रीड हिरव्या रंगात व्यवहार करत आहेत.
अस्थिरतेच्या काळात शेअर बाजारात घसरण कशामुळे? ‘हे’ आहे सर्वात मोठं कारण
निफ्टीत कोणते शेअर्स घसरले
हिरो मोटोकॉर्प, मारुती, एचडीएफसी, कोटक महिंद्रा बँक आणि दिवीस लॅब हे शेअर्स निफ्टीच्या घसरणीत दिसत आहेत.
बाजाराच्या घसरणीमागचे कारण काय?
महागाईवर लगाम घालण्यासाठी अमेरिका, ब्रिटन, स्वीडन आणि नॉर्वे या देशांनी व्याजदरात केलेल्या वाढीनंतर २८ ते ३० सप्टेंबर रोजी प्रस्तावित द्विमासिक पतधोरण आढाव्यात रिझर्व्ह बँक पुन्हा एकदा व्याजदरात वाढ करण्याची शक्यता आहे. तसेच, रुपयाच्या सार्वकालिक नीचांकी पातळीवर पडण्याचा दबाव विदेशी संस्थात्मक गुंतवणूकदारांच्या (FIIs) सतत विक्रीच्या रूपात दिसून येत आहे. गेल्या आठवड्यात FII ने देशांतर्गत शेअर बाजारातून ४३६१.७७ कोटी रुपये काढले.
