Authored by टीम मटा ऑनलाइन | Edited by प्रशांत पाटील | महाराष्ट्र टाइम्स.कॉम | Updated: Sep 28, 2022, 10:47 AM

Pune News : पुण्यात एक धक्कादायक प्रकार उघडकीस आला आहे. शहरातील एका तरुणाला वकीलासोबत अनैसर्गिक संबंध ठेवणं महागात पडलं आहे. आरोपी वकिलाने तरुणाकडून जबरदस्तीने ६ लाख ७० हजार रुपये उकळून अपहार केल्याचा प्रकार उघडकीस आला आहे.

 

Pune News
फेसबूकवरुन ओळख, नंतर अनैसर्गिक संबंध; फायदा घेत वकिलाने तरुणाला ६ लाखाला गंडवलं

हायलाइट्स:

  • तरुणाला वकिलासोबत अनैसर्गिक संबंध ठेवणं पडलं महागात
  • जबरदस्तीने उकळले ६ लाख रुपये
  • पुण्यातील भारती विद्यापीठ परिसरातील घटना
पुणे : पुण्यातील एका तरुणाला वकीलासोबत अनैसर्गिक संबंध ठेवणं महागात पडलं आहे. वकिलाने संबंधाचा गैरफायदा घेत तरुणासोबतच अनैसर्गिक कृत्य करून ते फोटो व्हायरल करण्याची धमकी देत, कुटुंबियांना जीवे मारण्याची धमकी देऊन ६ लाख ७० हजार रुपये जबरदस्तीने उकळून अपहार केल्याचा धक्कादायक प्रकार घडला आहे. या प्रकरणी भारती विद्यापीठ पोलिसांनी दशरथ बावकर (वय.२७ रा. ताथवडे) नावाच्या वकिलावर गुन्हा दाखल केला आहे. याबाबत २६ वर्षीय तरुणाने फिर्याद दिली आहे.

पोलिसांनी दिलेल्या माहितीनुसार, आरोपी वकिलाची आणि तरुणाची फेसबूकच्या माध्यमातून ओळख झाल्यानंतर आरोपीने तरुणासोबत अनैसर्गिक कृत्य केले. त्यानंतर त्याचे व्हिडिओ व्हायरल करण्याची आणि कुटुंबियांना जीवे मारण्याची धमकी देऊन ६ लाखांची मागणी केली. मात्र, फिर्यादी तरुणाने पैसे देण्यास नकार दिला असता आरोपीने तरुणाच्या आईला आणि तुझ्या मुलाला मायग्रेशनचा आजार असल्याचं खोटं सांगून त्याचे आणि तरुणाच्या पत्नीचे २० तोळे सोन्याचे दागिने घेतले.

व्होडाफोन आयडियाचं नेटवर्क लवकरच बंद होणार? तब्बल २५ कोटी ग्राहक मोठ्या अडचणीत
त्यानंतर ते दागिने पिंपरी येथील एका फायनान्स कंपनीकडे गोल्ड लोन साठी ठेवून ६ लाख ७० हजार रुपये जबरदस्तीने काढून घेऊन पैशाचा अपहार केल्याचे फिर्यादीत म्हटलं आहे. तसेच तरुणाची महत्वाची कागदपत्रे देखील आरोपीने धमकावून काढून घेतली आहेत. हा प्रकार घडल्यानंतर तरुणाने पोलीस ठाण्यात धाव घेत तक्रार दिली आहे.

गोपीनाथ मुंडेंच्या कन्येची भाजपकडून उपेक्षाच; पंकजा मुंडेंवरून खडसेंनी सुनावलं

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here