कोल्हापूर : वाघ दर्शनाचा शोध घेणाऱ्या एका पथकाला अखेर कोल्हापूर आणि दक्षिण कोकण भागात व्याघ्र दर्शन झालं आहे. या पथकाला या भागात ८ वाघांचा वावर असल्याचं आढळलं आहे. सह्याद्री खोऱ्यात व्याघ्र प्रकल्प राबवण्याच्या प्रकल्पाला दिलासा देणारी ही बाब आहे. कोल्हापूर जिल्ह्याच्या पश्चिमेकडील सह्याद्री खोऱ्यात वाघांचा वावर असल्याची चर्चा होती. या भागातील रहिवाशांच्या पशुधनाची वाघांकडून शिकार होत असल्याच्या तक्रारीही वनविभागाकडे दाखल झाल्या होत्या. स्थानिकांमध्ये भीतीचे वातावरणही होते.

गेल्या काही वर्ष वाघांचा या भागातील मागोवा घेतला जात होता. नर-मादी वाघांची जोडी या परिसरात असल्याचं आढळलं होतं. याशिवाय आणखीही काही वाघ या भागात असल्याचे स्थानिक रहिवाशांचे म्हणणे होते. त्यावर वाघांच्या हालचालींना शोध घेण्यासाठी वाईल्ड लाईफ कॉन्झर्वेशन ट्रस्ट व वन विभाग यांनी ट्रॅप कॅमेऱ्याच्या मदतीने शोध मोहीम सुरु ठेवली होती. शेजारच्या गोवा, कर्नाटक राज्यातील घनदाट जंगलातून वाघ येत असल्याची माहिती होती. त्याआधारे या भागात गेल्या वर्षी नोव्हेंबर ते एप्रिल या कालावधीत २२ ठिकाणी कॅमेरे बसवले होते. त्यामध्ये आठ वाघांचे दर्शन घडले असल्याचे वाईल्ड लाईफ कॉन्झर्वेशन ट्रस्टचे गिरीश पंजाबी यांनी सांगितले.

IND vs PAK टी-२० वर्ल्डकप मॅच: MCG तयार केली जात आहे नवी खेळपट्टी, पाहा कसे असेल पिच
कॅमेरा ट्रॅप सर्व्हेक्षणाबाबत

नोव्हेंबर २०२१ ते एप्रिल २०२२ पर्यंत दक्षिण कोकण आणि कोल्हापूरातील तब्बल २२ ठिकाणी प्रत्येकी एक कॅमेरा ट्रॅप बसवले गेले. काही ठिकाणी दोन महिने तर काही ठिकाणी सहा महिने वाघांच्या हालचालींवर कॅमेरा ट्रॅपच्या माध्यमातून लक्ष ठेवले गेले.

मार्च महिन्यात कोल्हापूरातील राधानगरीत आढळून आलेला वाघ आता अभयारण्याबाहेर ये-जा करु लागला आहे. या वाघाला स्थानिक म्हणता येणार नाही, अभयारण्यात वाघाचे अधूनमधून दर्शन होत असते. कोकण आणि कोल्हापूरात वाघांचा वावर असल्याची बाब निश्चितच आनंददायी आहे.- विशाल माळी, विभागीय वनाधिकारी, कोल्हापूर वनविभाग

लपायला गेला, तो बाहेर आलाच नाही; लपंडाव खेळताना चिमुकल्याचा करुण अंत; कुटुंबावर शोककळा

LEAVE A REPLY

Please enter your comment!
Please enter your name here