Maharashtra Politics | निवडणूक आयोगाने स्वत:च्याच अधिकाराचा वापर करत पक्षचिन्हाबाबत १९६८ सालचा कायदा तयार केला होता. या कायद्यातील कलम १५ वादग्रस्त आहे. त्यानुसार एखाद्या पक्षात चिन्हाबाबत वाद झाला तर निवडणूक आयोगाला हस्तक्षेप करण्याचे अधिकार प्राप्त झाले होते. सर्वोच्च न्यायालयाला पहिल्यांदाच ही संधी चालून आली होती की, कलम १५ हे संवैधानिक आहे किंवा नाही, याची तपासणी करता आली असती. दुर्दैवाने सर्वोच्च न्यायालयाने ती तपासणी केली नाही.
हायलाइट्स:
- शिवसेनेबाबत सर्वोच्च न्यायालयाने दिलेला निर्णय हा बंधनकारक
- संविधानाने आणि संसदेने ही दक्षता घेतली पाहिजे
- निवडणूक आयोग कुठेही पक्षपाती होता कामा नये
मोठी बातमी : शिवसेना कोणाची हे कसं ठरणार? निवडणूक आयुक्तांचं महत्त्वपूर्ण वक्तव्यशिवसेनेबाबत सर्वोच्च न्यायालयाने दिलेला निर्णय हा बंधनकारक आहे, पण त्याचा आदर होईल किंवा नाही, याबाबत मला शंका आहे. संविधानाने आणि संसदेने ही दक्षता घेतली पाहिजे की, निवडणूक आयोग कुठेही पक्षपाती होणार नाही. निवडणूक आयोगावर कुठेही शिंतोडे उडणार नाहीत, याची काळजी घेतली पाहिजे. निवडणूक आयोगाने स्वत:च्याच अधिकाराचा वापर करत पक्षचिन्हाबाबत १९६८ सालचा कायदा तयार केला होता. या कायद्यातील कलम १५ वादग्रस्त आहे. त्यानुसार एखाद्या पक्षात चिन्हाबाबत वाद झाला तर निवडणूक आयोगाला हस्तक्षेप करण्याचे अधिकार प्राप्त झाले होते. सर्वोच्च न्यायालयाला पहिल्यांदाच ही संधी चालून आली होती की, कलम १५ हे संवैधानिक आहे किंवा नाही, याची तपासणी करता आली असती. दुर्दैवाने सर्वोच्च न्यायालयाने ती तपासणी केली नाही. परिणामी आतापर्यंत सर्वोच्च न्यायालय आणि संसदेने राखून ठेवलेला निवडणूक आयोगाची तटस्थता या निर्णयामुळे नष्ट झाली आहे. त्यामुळे आगामी काळात पक्षचिन्हाचा निर्णय हा निवडणूक आयोगच घेईल, असा चुकीचा संदेश जाऊ शकतो. त्यामुळे सर्वोच्च न्यायालयाने आपल्या निर्णयाचे पुनवरालोकन करणे गरजेचे आहे, असे प्रकाश आंबेडकर यांनी म्हटले.
धनुष्यबाण ठाकरेंना की शिंदेंना? दोन निकषांच्या आधारे निवडणूक आयोग ठरवणार
सर्वोच्च न्यायालयाचा निर्णय संभ्रम निर्माण करणारा: नाना पटोले
पक्षचिन्हाबाबतचा निर्णय सर्वोच्च न्यायालयाने निवडणुक आयोगाकडे सोपवण्याचा निर्णय संभ्रम आणि संशय निर्माण करणारं असल्याचं मत काँग्रेस प्रदेशाध्यक्ष नाना पटोलेंनी व्यक्त केलंय. ते अकोला येथे पत्रकार परिषदेत बोलत होतेय. काँग्रेस फुटणार ही भाजपची आणि गोदी मीडियाची अस्वस्थता असल्याचं पटोले म्हणाले. आपल्याविषयी कुणाचीही नाराजी नाहीय, उद्या मला पक्षानं बुथ अध्यक्ष केलं तरी काम करायला तयार आहे, असे नाना पटोले यांनी सांगितले.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
