virat kohli, तो परत आलाय! धडकी भरवणारी आकडेवारी, डेथ ओव्हर्समध्ये कमाल कामगिरी; स्टार खेळाडू बॅक इन ऍक्शन – virat kohli power game on now king will be biggest threat for bowlers

टी-२० आंतरराष्ट्रीय सामन्यांमध्ये धावांचा पाठलाग करताना कोहलीची कामगिरी नेहमीच विराट राहिली आहे. डेथ ओव्हर्समध्ये (१७ ते २०) भारताकडून सर्वाधिक षटकार विराटनंच लगावले आहेत. त्याच्या नावावर १२ षटकार आहेत. यातला एक षटकार ऑस्ट्रेलियाविरुद्ध नुकत्याच झालेल्या सामन्यात पाहायला मिळाला. गेले काही महिने विराटच्या बॅटमधून धावा आटल्या होत्या. त्याचा परिणाम आत्मविश्वासावर झाला. मात्र आता धावा होऊ लागल्या आहेत.
भारताविरुद्धचा पराभव ऑस्ट्रेलियाला झोंबला; टी-२० वर्ल्डकपच्या आधी फिंचची हकालपट्टी? नवा कर्णधार म्हणून…
लक्ष्याचा पाठलाग करताना वेगळाच विराट पाहायला मिळतो. ऑस्ट्रेलियाविरुद्धच्या शेवटच्या सामन्यात विराटनं ही बाब दाखवून दिली. टी-२०मध्ये धावांचा पाठलाग करताना विराटच्या नावावर १५३६ धावा आहेत. या यादीत ऑस्ट्रेलियाचा डेव्हिड वॉर्नर दुसऱ्या स्थानी आहे. दुसऱ्या डावात त्याच्या नावे ११९५ धावा आहेत.
धोनीने इरफान पठाणची कारकीर्दच संपवली?; पोस्ट झाली व्हायरल, धोनी म्हणाला…
डेथ ओव्हर्समध्ये विराटचा स्ट्राईक रेट जबरदस्त आहे. २०१९ पासून आतापर्यंतच्या आंतरराष्ट्रीय टी-२० सामन्यांमध्ये विराटनं डेथ ओव्हर्समध्ये कमाल कामगिरी केली आहे. त्यानं २०८.३३ च्या स्ट्राईक रेटनं गोलंदाजांची धुलाई केली आहे. डेथ ओव्हर्समध्ये किमान ३०० धावा कुटणाऱ्या फलंदाजांच्या यादीवर नजर टाकल्यास स्ट्राईक रेटच्या बाबतीत कोहली दुसऱ्या स्थानी आहे. अफगाणिस्तानचा नजीबुल्लाह जादरान पहिल्या स्थानी आहे. त्याचा स्ट्राईक रेट २२२.६० इतका आहे. तर हार्दिक पांड्याचा स्ट्राईक रेट १८६.६० इतका आहे.