मुंबई : ऑक्टोबर महिना सुरू होण्यास अवघे २ दिवस उरले आहेत. १ ऑक्टोबरपासून देशभरात अनेक मोठे बदल होणार आहेत. या बदलांचा थेट परिणाम सर्वसामान्यांच्या खिशावर होईल. जर तुम्हाला या बदलांची माहिती असेल तर तुम्ही कोणत्याही प्रकारची समस्या टाळू शकता. यामध्ये क्रेडिट-डेबिट कार्डच्या नियमांपासून ते म्युच्युअल फंडांमधील बदलांचा समावेश आहे. ऑक्टोबरपासून काय बदल होणार आहेत ते खालीलप्रमाणे आहेत.

आमच्या वैयक्तिक वित्तसंबंधित घडामोडी नियमितपणे बदलतात आणि त्यांचे पालन करणे भाग पडते. तुमच्या दैनंदिन खर्चाचे नियमन करण्यासाठी आणि भविष्यासाठी नियोजन करण्यासाठी वैयक्तिक वित्त आवश्यक आहे, त्यामुळे कोणतेही बदल जाहीर झाल्यास थेट तुमच्या बजेटवर किंवा आर्थिक नियोजनावर नकारात्मक प्रभाव पडू नये म्हणून काळजी घेतली पाहिजे.

५ दिवसांनी देशभरात महत्त्वाचे नियम बदलणार, तुमच्यावर होणार थेट परिणाम, एका क्लिकवर जाणून घ्या
आरबीआय रेपोदर वाढ
रिझर्व्ह बँकेची (आरबीआय) पतधोरण विषयक बैठक २८ ते ३० सप्टेंबरदरम्यान होणार आहे. अमेरिकेची फेड आणि बँक ऑफ इंग्लंडने व्याजदर वाढ केल्यामुळे आरबीआय वरही दरवाढीचा दबाव आहे. याशिवाय देशातील महागाई दरही मध्यवर्ती बँकेच्या मर्यादेपेक्षा अधिक असल्यामुळे रेपो दरवाढ होणे अपेक्षित आहे. असे झाल्यास कर्जदारांच्या EMI मध्ये वाढ होईल, कारण आरबीआयनंतर अन्य बँकाही आपल्या व्याजदरात वाढ करते. त्यामुळे पुढील महिन्यापासून कर्जदारांच्या EMI मध्ये मोठी वाढ अपेक्षित आहे.

केंद्रीय कर्मचाऱ्यांसाठी आनंददायी बातमी; १८ महिन्यांच्या DA थकबाकीवर आली मोठी अपडेट
रिक्षा-टॅक्सीचा प्रवास महागला
मुंबईकरांना १ ऑक्टोबरपासून रिक्षा आणि टॅक्सीतून फिरण्यासाठी अधिक पैसे मोजावे लागणार आहेत. मुंबई महानगर प्रदेश परिवहन प्राधिकरणाने मंगळवारी मुंबई आणि आसपासच्या परिसरात टॅक्सींचे किमान भाडे आता २८ रुपये आणि ऑटो रिक्षांचे किमान भाडे २३ रुपये जाहीर केले. म्हणजेच मूळ भाडे अनुक्रमे ३ आणि २ रुपयांनी वाढले आहे.

डीमॅट खात्यात टू-फॅक्टर ऑथेंटिकेशन
सरकारने सर्व डिमॅट खातेधारकांना ३० सप्टेंबर २०२२ पर्यंत द्वि-घटक प्रमाणीकरण पूर्ण करण्यास सांगितले आहे. जर कोणत्याही डिमॅट खातेधारकाने देय तारखेपूर्वी द्वि-घटक प्रमाणीकरण केले नाही, तर तो १ ऑक्टोबरपासून त्याच्या खात्यात लॉग इन करू शकणार नाही.

रुपयाच्या घसरणीचा वाहन क्षेत्रावर परिणाम, गाडी खरेदी करणे किती महागणार? समजून घ्या गणित
लहान बचत योजनांवर व्याज
देशातील लहान बचत योजनांवर व्याज वाढवण्याची घोषणा होऊ शकते. कारण रिझर्व्ह बँकेने रेपो दर वाढवल्यापासून देशातील जवळपास सर्वच बँकांनी व्याजदर वाढवले आहेत. अशा परिस्थितीत ३० सप्टेंबर २०२२ रोजी व्याजदरात वाढ करण्याचाही मोठा निर्णय घेतला जाऊ शकतो.

आयकरदात्याला APY मध्ये गुंतवणूक करण्यास बंदी
अटल पेन्शन योजनेबाबत सरकारने नियमांमध्ये मोठा बदल केला आहे. यानुसार आता देशात आयकर भरणारे करदाते पुढील महिन्यापासून अटल पेन्शन योजनेत गुंतवणूक करू शकणार नाहीत. यापूर्वी १८ ते ४० वर्षे वयोगटातील कोणताही सामान्य नागरिक अटल पेन्शन योजनेत गुंतवणूक करू शकत होते आणि ६० वर्षांनंतर त्यांना सरकारकडून दरमहा ५,००० रुपये पेन्शन दिली जाते.

LEAVE A REPLY

Please enter your comment!
Please enter your name here