केंद्रीय कर्मचाऱ्यांसाठी महत्वाची बातमी, DA पूर्वीच बढतीच्या नियमात झाला मोठा बद्दलकेंद्रीय मंत्रिमंडळाच्या आज झालेल्या बैठकीत डीएमध्ये ४ टक्क्यांनी वाढ करण्याचा निर्णय घेण्यात आला, जो गेल्या डझनभर तिमाहींमधील सर्वाधिक आहे. यापूर्वी सरासरी डीएमध्ये केवळ ३ टक्के वाढ करण्यात आली होती, मात्र यावेळी महागाईचा फटका पाहता सरकारने तिजोरी उघडली आहे. आता ५० लाख केंद्रीय कर्मचारी आणि ६२ लाख पेन्शनधारकांना ३८ टक्के डीए (महागाई भत्ता) मिळणार आहे. डीएची वाढलेली रक्कम यंदाच्या जुलैपासून लागू होणार असून मागील महिन्यांची थकबाकीही कर्मचाऱ्यांना दिली जाणार आहे.
केंद्रीय कर्मचाऱ्यांसाठी मोठी बातमी, पागारवाढीसाठी सरकारचा कॉर्पोरेट फॉर्म्युला
केंद्रीय मंत्रिमंडळाने मार्चमध्ये सातव्या वेतन आयोगांतर्गत महागाई भत्त्यात (डीए) ३ टक्के वाढ करण्यास मंजुरी दिली होती. अशा प्रकारे महागाई भत्ता मूळ वेतनाच्या ३४ टक्के करण्यात आला आहे. डीए वाढल्यानंतर कामगारांचे पगार ६८४० ते २७,३१२ रुपयांपर्यंत वाढणार आहेत. केंद्र सरकारच्या कर्मचाऱ्यांना महागाई भत्ता (DA) दिला जातो, तर निवृत्ती वेतनधारकांना महागाई सवलत (DR) दिली जाते. सरकारने या वर्षी मार्चमध्ये डीएमध्ये सुधारणा केली होती, जी नंतर कर्मचार्‍यांच्या मूळ पगाराच्या ३ टक्क्यांनी वाढून ३४ टक्के झाली. जर डीएमध्ये ४ टक्के वाढ झाल्याने डीए सध्याच्या ३४ टक्क्यांवरून आता ३८ टक्के झाला आहे. यापूर्वी सरकारी कर्मचाऱ्यांना त्यांच्या मूळ वेतनावर ३४ टक्के डीए मिळत होता.
पेन्शनधारकांनो लक्ष द्या! तुमच्या मासिक पेन्शनमध्ये DR ची रक्कम कशी तपासायची जाणून घ्या
एकाचवेळी ११ टक्के वाढला महागाई भत्ता
गेल्या वर्षी जुलैमध्ये मोदी सरकारने कर्मचाऱ्यांच्या महागाई भत्त्यात एकरकमी ११ टक्क्यांनी वाढ केली होती. यानंतर प्रभावी महागाई भत्ता १७ टक्क्यांवरून थेट २८ टक्के करण्यात आला. करोनाच्या काळात सरकारने तीन महिन्यांसाठी महागाई भत्ता रोखून ठेवला होता, जो गेल्या वर्षी जुलैमध्ये जारी करण्यात आला होता. सरकारने जानेवारी २०२०, जुलै २०२० आणि जानेवारी २०२१ साठीचा महागाई भत्ता राखून ठेवला होता.
पगार कीतीने वाढणार
४ टक्के डीए वाढीमुळे कर्मचाऱ्यांच्या पगारात ७२० रुपयांची वाढ होते. उदाहरणार्थ, जर केंद्र सरकारच्या कर्मचाऱ्याचा मूळ पगार १८,००० रुपये असेल, तर ३४ टक्क्यांनुसार त्याला ६,१२० रुपये डीए मिळेल. पण आता ४ टक्के वाढीसह डीए ३८ टक्के झाल्यावर कर्मचार्‍यांना ६,८४० रुपये मिळतील. म्हणजेच त्याला ७२० रुपये अधिक मिळतील.
