Bhagyashree Rasal | महाराष्ट्र टाइम्स.कॉम | Updated: Sep 28, 2022, 7:32 PM

सिनेसृष्टीतील कलाकारांची सोशल मीडियावर नेहमीच चर्चा सुरू असते. कधी त्यांच्या मालिका, सिनेमे तर कधी त्यांच्या खासगी आयुष्याबद्दल चाहते बोलत असतात. कलाकारांचे हटके फोटोही याचाच एकभाग. अनेकदा सेलिब्रिटीचे फोटो सोशल मीडियावर व्हायरल होताना दिसतात.

 

sarang sathaye
मुंबई: मराठी तरुण प्रेक्षकांना आकर्षित करणारे व्हिडिओ, सीरिज यांची निर्मिती करणारा सांगस साठ्ये नेहमीच चर्चेत असतो. वेबविश्वाचा बहुतांश प्रेक्षकवर्ग तरुण मंडळी आहेत. सीरिजमधून तरुणांचे विषय त्यांच्या पद्धतीनं दाखवले की त्यांना ते पटतात, जवळचे वाटतात, असं त्याला वाटतं. भारतीय डिजिटल पार्टी अर्थात ‘भाडिपा’ या मराठीतील डिजिटल कंटेटची निर्मिती करणाऱ्या सारंगचा लुकही नेहमीच चर्चेत असतो. पण सध्या त्याचा एक फोटो व्हायरल होतोय. तो पाहून त्याला ओळखंही कठिण होत आहे.

सारंगनं त्याचा एक जुना ब्लॅक अॅंन्ड व्हाइट फोटो शेअर केलाय. फोटोसोबत त्यानं आठवणीही शेअर केल्या आहेत.

काय म्हणतो सारंग…

२१चा होतो , द ब्राइट डे (The Bright Day) ह्या सिनेमाची संहिता लिहायला / रिसर्चसाठी मोहित टाकळकर मला वाराणसीला घेऊन गेला. आम्ही दोघे जरी एकत्र गेलो होतो तरी तिथे मात्र आपआपले जगत होतो. एका प्रकारे माझी पाहिली सोलो ट्रीप. ह्या ट्रीप मधे मी अंतर्बाह्य बदलुन गेलो. घरापासून दूर गेल्यावर आपल्याला आपल्यातलंच काहीतरी नविन नक्की सापडतं.
बोल्ड शनायाचा पारंपरिक लूक चाहत्यांना आवडला, Video झाला व्हायरल


कोण आहे सारंग साठ्ये?
सारंगनं भाडीपाच्या माध्यमातून मराठीतील विनोदी आणि तरुणांना आकर्षित करणारा असा डिजिटल कंटेट उपलब्ध करून दिला. अल्प कालावधीतच त्याच्या या डिजिटल प्लॅटफॉर्मने युट्यूबवर १० लाख सबस्क्रायरचा टप्पा गाठला. आशयघन आणि मनोरंजक कलाकृतीची निर्मिती करून मराठी माणसाला डिजिटल माध्यमाची गोडी लावण्यात सारंगचा सिंहाचा वाटा आहे. त्यानं हा प्लॅटफॉर्म चार ते पाच वर्षांच्या काळात तरुणाईमध्ये प्रचंड लोकप्रिय केला. त्याची या माध्यमावरील मांडणीही सहजसोपी आहे. निर्मात, अभिनेता आणि दिग्दर्शक अशा सर्वच पातळ्यांवर त्यानं यश मिळवलं आहे.

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here