दीड वर्षीय मुलीच्या अपहरणाची तक्रार चंदनझिरा पोलीस ठाण्यात दाखल झाली होती. यानंतर अफवांचे पेव फुटले होते. अपहरण करणारी एखादी टोळी सक्रिय झाली की काय असे आडाखे बांधले जात होते.

 

father killed daughter
जालना: दीड वर्षीय मुलीच्या अपहरणाची तक्रार चंदनझिरा पोलीस ठाण्यात दाखल झाली होती. यानंतर अफवांचे पेव फुटले होते. अपहरण करणारी एखादी टोळी सक्रिय झाली की काय असे आडाखे बांधले जात होते. मात्र पोलिसांच्या तपासात हे अपहरण नसून वडिलांनीच पोटच्या दीड वर्षाच्या मुलीची शेततळ्यात फेकून देऊन हत्या करत अपहरणाचा बनाव रचल्याचा धक्कादायक प्रकार समोर आला आहे.

पत्नीशी झालेल्या भांडणातून पाळण्यात झोपलेल्या चिमुकलीला उचलून नेऊन तिची शेततळ्यात फेकून देऊन हत्या केल्याची कबुली मुलीच्या वडिलांनी दिली. जगन्नाथ डकले असं आरोपी बापाचं नाव असून श्रावणी डकले असं हत्या करण्यात आलेल्या चिमुकलीचं नाव आहे. आई वडिलांच्या भांडणातूनच या मुलीची हत्या झाल्याचं समोर आल्यानं परिसरात खळबळ उडाली. पोलिसांनी निर्दयी बापाला ताब्यात घेतलं असून रात्री चंदनझिरा पोलीस ठाण्यात गुन्हा दाखल करण्यात आला.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here