Authored by दीपक पडकर | Edited by रोहित धामणस्कर | महाराष्ट्र टाइम्स.कॉम | Updated: Sep 29, 2022, 11:48 AM
Maharashtra Politics | शाळा आणि महाविद्यालयात असताना अभ्यासाव्यतिरिक्त इतर गोष्टींकडेही तितकेच लक्ष द्या. कारण हल्ली जगात कुठल्याही मोठया विद्यापीठात प्रवेश घ्यायचा झाला तर तुमच्याकडे असलेली डायव्हर्सिटी बघितली जाते. फक्त अभ्यासच नव्हे तर खेळात आणि इतर गोष्टींमध्ये प्रावीण्य मिळवलेल्या मुलांना प्राधान्य दिले जाते. त्यामुळे तुम्ही सॉफ्ट स्किल्स आणि संवादकौशल्य वाढवण्यावर भर द्या.
हायलाइट्स:
- तुमचे कसे BFF आहेत, तसे माझेही खूप BFF आहेत
- तुम्ही मला इन्स्ट्रागामला फॉलो केलंत तर माझे BFF कोण आहेत, हे तुम्हाला कळेल
माझ्याकडून काही चांगलं घडलं तर माझ्या मैत्रिणींना अभिमान वाटतो. पण माझ्याकडून काही वाईट घडलं तर सगळ्यात जास्त शाळा आणि कॉलेजच्या मैत्रिणीच मला रागवतात. तुमचे कसे BFF आहेत, तसे माझेही खूप BFF आहेत. तुम्ही मला इन्स्ट्रागामला फॉलो केलंत तर माझे BFF कोण आहेत, हे तुम्हाला कळेल. मी त्यांच्यासोबत इन्स्टाग्रावर अनेकदा फोटो टाकत असते, असे सुप्रिया सुळे यांनी म्हटले.
सरपंच म्हणाले, काय साहेब महिलांना आरक्षण दिलं, आम्ही काय करायचं? पवारांनी सांगितला ‘तो’ किस्सायावेळी सुप्रिया सुळे यांनी शाळकरी मुलींना काही मोलाचे सल्लेही दिले. यशाचा कुठलाही शॉर्टकर्ट नसतो, त्यामुळे मेहनतीची तयारी ठेवा. शाळा आणि महाविद्यालयात असताना अभ्यासाव्यतिरिक्त इतर गोष्टींकडेही तितकेच लक्ष द्या. कारण हल्ली जगात कुठल्याही मोठया विद्यापीठात प्रवेश घ्यायचा झाला तर तुमच्याकडे असलेली डायव्हर्सिटी बघितली जाते. फक्त अभ्यासच नव्हे तर खेळात आणि इतर गोष्टींमध्ये प्रावीण्य मिळवलेल्या मुलांना प्राधान्य दिले जाते. त्यामुळे तुम्ही सॉफ्ट स्किल्स आणि संवादकौशल्य वाढवण्यावर भर द्या. आपली मुलं ही खूप हुशार असतात, पण बऱ्याचदा आपलं म्हणणं नीट मांडता न आल्याने ही मुलं मागे राहतात, याकडे सुप्रिया सुळे यांनी विद्यार्थ्यांचे लक्ष वेधले.
नेता फक्त पदाने मोठा होत नाही, त्याने दिलदार आणि कर्तृत्ववान असले पाहिजे; सुप्रिया सुळेंचा मुख्यमंत्र्यांना टोला‘शरद पवारांनी महाराष्ट्राचा एक दौरा केल्यावर ते लगेच सत्तेवर येतात’
शरद पवार यांनी महाराष्ट्रात एक दौरा काढायाचा अवकाश की ते लगेच सत्तेत येतात, असे वक्तव्य राष्ट्रवादी काँग्रेसच्या खासदार सुप्रिया सुळे यांनी केले. पवारांच्या दौऱ्याने महाराष्ट्रात सत्तांतर होते, हा इतिहास आहे, असे सुप्रिया सुळे यांनी म्हटले. यावेळी सुप्रिया सुळे यांनी एक किस्सा सांगितला. मी त्यांना (शरद पवार) नेहमी सांगते की, महाराष्ट्राने तुम्हाला प्रचंड प्रेम दिले. पण विरोधी बाकांवर असताना जनतेने तुम्हाला जास्त प्रेम दिले. हे संपूर्ण महाराष्ट्राने पाहिले आहे. विरोधात आल्यानंतर शरद पवार राज्याच्या दौऱ्यावर निघतात. त्या दौऱ्यामध्ये काय गंमत होते ते माहिती नाही. पण तो दौरा झाला की शरद पवार पुन्हा सत्तेत येऊन बसतात, असे सुप्रिया सुळे यांनी म्हटले.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
