Boisar Crime News: तरुणानं गोळी झाडून तरुणीची हत्या करून त्यानंतर आत्महत्या केल्याची घटना बोईसरमध्ये घडली. या घटनेचे सीसीटीव्ही फुटेज आता समोर आले आहे. तरुणाने केलेल्या गोळीबारात तरुणीचा जागीच मृत्यू झाला. त्यानंतर तरुणाने संरक्षण दलाच्या वाहनाखाली येत आत्महत्येचा प्रयत्न केला.

 

boisar
पालघर: तरुणानं गोळी झाडून तरुणीची हत्या करून त्यानंतर आत्महत्या केल्याची घटना बोईसरमध्ये घडली. या घटनेचे सीसीटीव्ही फुटेज आता समोर आले आहे. तरुणाने केलेल्या गोळीबारात तरुणीचा जागीच मृत्यू झाला. त्यानंतर तरुणाने संरक्षण दलाच्या वाहनाखाली येत आत्महत्येचा प्रयत्न केला. त्यात हा तरुण गंभीररित्या जखमी झाला. या तरुणाचा उपचारादरम्यान मृत्यू झाला.

बोईसर परिसरातील टिमा रुग्णालयासमोर तरुणाने बुधवारी दुपारी साडेतीन वाजताच्या सुमारास तरुणीवर गावठी पिस्तुलाने गोळीबार केला. या गोळीबारात नेहा दिनेश महतोचा मृत्यू झाला. दरम्यान गोळीबाराची ही घटना सीसीटीव्ही कॅमेऱ्यात कैद झाली आहे. कृष्णा सत्यदेव यादवने नेहा महतोचा पाठलाग करत रस्त्यावरच तरुणीवर गोळीबार केला. त्यानंतर घटनास्थळापासून सुमारे ५०० मीटर अंतरावर डी-डेकॉर कंपनीसमोर आरोपीने संरक्षण दलाच्या वाहनाखाली उडी मारून आत्महत्येचा प्रयत्न केला.
पुन्हा ड्युटीवर कसा येतो तेच बघतो! चलान फाडताच बाईकस्वाराची पोलिसाला धमकी, कानशिलात लगावली
जखमी झालेल्या आरोपीला उपचारासाठी रुग्णालयात दाखल करण्यात आले. मात्र उपचारादरम्यान त्याचा मृत्यू झाला. पोलिसांनी गोळीबारासाठी वापरण्यात आलेले गावठी पिस्तुल जप्त केले आहे. बोईसर एमआयडीसी पोलीस ठाण्यात गुन्हा दाखल करण्यात आला असून सदर घटना प्रेम प्रकरणातून घडल्याचा प्राथमिक अंदाज पोलिसांनी वर्तवला आहे. याप्रकरणी अधिक तपास बोईसर पोलीस करत आहेत.

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here