नवी दिल्ली: रिझर्व्ह बँक ऑफ इंडियाच्या (आरबीआय) चलनविषयक धोरण समितीची (एमपीसी) तीन दिवसीय बैठक बुधवारी सुरू झाली. उच्च महागाई दराला लगाम घालण्यासाठी आरबीआय रेपो दरात ०.५० म्हणजेच अर्ध्या टक्क्यांनी वाढ करू शकते असे मानले जात आहे. डॉलरच्या तुलनेत रुपयाची घसरण रोखणे, महागाई नियंत्रित करणे आणि परकीय भांडवलाचा ओघ वधांवण्याच्या उद्देशाने आरबीआयला निर्णय घेणे भाग पडेल.

आरबीआय गव्हर्नर शक्तीकांत दास यांच्या अध्यक्षतेखालील सहा सदस्यीय चलनविषयक धोरण समितीचे निर्णय ३० सप्टेंबर रोजी जाहीर केले जातील. सरकारने आरबीआयला किरकोळ महागाई दर २ टक्क्यांच्या फरकासह ४ टक्क्यांवर ठेवण्याचे लक्ष्य दिले आहे. पण किरकोळ महागाई जानेवारीपासून रिझर्व्ह बँकेच्या समाधानकारक पातळीपेक्षा वरच राहिली आहे. आरबीआयच्या व्याजदर वाढीने बँका देखील गृहकर्ज, वाहन आणि वैयक्तिक कर्जावरील व्याजदर वाढवतील.

वेळेआधी कर्ज फेडण्याचे अनेक फायदे; जाणून घ्या कर्जातून लवकर मुक्त कसे व्हायचे
वेगाने घसरणारा रुपया
उच्च चलनवाढीच्या पातळीमध्ये देशांतर्गत चलनाची झपाट्याने घसरण होत आहे. अमेरिकन चलनाच्या तुलनेत रुपया सध्या ८२ ची पातळी गाठली. अमेरिकन मध्यवर्ती बँक, फेडरल रिझर्व्हने आक्रमकपणे व्याजदरात वाढ केल्यानंतर रुपयाच्या विनिमय दरातील घसरण तीव्र झाली आहे. तज्ज्ञांच्या अंदाजानुसार केंद्रीय बँक पुन्हा एकदा रेपो दरात अर्ध्या टक्क्यांनी वाढ करू शकते. त्यामुळे व्याजदर ५.९ टक्क्यांच्या तीन वर्षांच्या उच्चांकावर पोहोचले, जे सध्या ५.४ टक्क्यांवर आहे.

मंदीच्या छायेत अर्थव्यवस्था; तुमचा खिसा पुन्हा होईल रिकामा, जाणून घ्या RBI किती वाढवू शकते व्याजदर
महागाईशी दोन हात
आरबीआयने मे महिन्यापासून रेपो दरात एकूण १.४० टक्क्यांनी वाढ केली आहे. इंडस्ट्री बॉडी असोचेमने सांगितले की, अमेरिकेसह इतर अनेक केंद्रीय बँकांकडून आक्रमक दर वाढीमुळे आरबीआय किमान ०.३५ ते अर्धा टक्क्यांनी धोरणात्मक व्याजदर वाढवण्याची शक्यता आहे. असोचेमचे सरचिटणीस दीपक कपूर म्हणाले, “उद्योगाला कमी व्याजदर पहायचे आहेत, परंतु शाश्वत आर्थिक वाढीसाठी मुख्य आव्हान आणि महागाईशी दोन हात करणे हे प्राधान्य आहे.”

डॉलरच्या तुलनेत रुपयाची ऐतिहासिक नीचांकी; सर्वसामान्यांचं बजेट कोलमडणार,पाहा काय-काय महागणार
गृहकर्जाचे दर उच्च पातळीवर पोहोचणार
कॉलियर्सचे मुख्य कार्यकारी अधिकारी (भारत) रमेश नायर म्हणाले की, रेपो दरात आणखी वाढ होण्याची शक्यता आहे. महागाई नियंत्रणात आणण्याचा सरकारचा प्रयत्न आहे. ABA कॉर्पचे संचालक अमित मोदी म्हणाले, “रेपो दरात वाढ केल्यास गृहकर्जाचे दर त्यांच्या सर्वोच्च पातळीवर जाऊ शकतात. याचा लक्झरी श्रेणीतील घर खरेदीदारांवर परिणाम होऊ शकतो. पण काही आधारभूत पॉईंट्सच्या वाढीचा विशेषत: परवडणाऱ्या आणि मध्यम घरांच्या श्रेणीमध्ये फारसा परिणाम होणार नाही आणि नवीन बुकिंग आणि विक्री सुरू राहतील.” मिगसन ग्रुपचे व्यवस्थापकीय संचालक यश मिगलानी म्हणाल्या, “सध्याच्या आर्थिक परिस्थितीचा विचार करून आरबीआय काही आधारभूत पॉइंट्सने वाढू शकते. अशावेळी सर्व क्षेत्रांना अप्रत्यक्षपणे फायदा होण्यासाठी RBI रेपो दरात काही बदल करेल….”

भारतीय बाजारांनी मात केली
त्याचवेळी, भारतीय स्टेट बँकेच्या (एसबीआय) अहवालानुसार, भारतीय बाजारांनी खूपच चांगली कामगिरी केली आहे. विशेषत: रुपयाच्या बाजारपेठेत….. जे आरबीआयच्या हस्तक्षेपास समर्थन देण्यासाठी चांगले आहे. विदेशी गुंतवणूकदारांनी ऑगस्टमध्ये भारतीय शेअर बाजारात ५१,२०० कोटी रुपयांहून अधिक गुंतवणूक केली. मात्र सप्टेंबरमध्ये आतापर्यंत एकूण १,३८६ कोटी रुपयांच्या गुंतवणुकीसह एफपीआय प्रवाहात (FPI Investment) प्रचंड अस्थिरता दिसून आली आहे.

LEAVE A REPLY

Please enter your comment!
Please enter your name here