gym trainer died, फूड व्हॅनच्या उद्घाटनाची लगबग; त्याच फूड व्हॅनमध्ये अनर्थ घडला; जिम ट्रेनरचा करुण अंत – prayagra gym trainer died due to electrocution in the food van which was to be opened

प्रयागराज: उत्तर प्रदेशच्या प्रयागराजमध्ये एक दुर्दैवी घटना घडली आहे. फूड व्हॅनच्या उद्घाटनाची लगबग सुरू असताना तयारी अंतिम टप्प्यात असताना त्याच फूड व्हॅनमध्ये जिम ट्रेनरचा मृत्यू झाला आहे. करंट लागल्यानं जिम ट्रेनरचा मृत्यू झाला. सिव्हिल लाईन्स परिसरात ही घटना घडली. पोलिसांनी मृतदेह ताब्यात घेऊन तो शवविच्छेदनासाठी पाठवला.

सुमित उर्फ शेखर कनौजिया असं मृत जिम ट्रेनरचं नाव आहे. तो अतरसुइया परिसराचा रहिवासी होता. सिव्हिल लाईन्समधील एका चौकात असलेल्या बेस्ट फिट जिममध्ये तो ट्रेनर होता. सुमितनं त्याच्या एका मैत्रिणीसोबत खाद्य उद्योगात प्रवेश करण्याचा निर्णय घेतला. दोघांनी भागिदारीत फूड व्हॅन सुरू केली. त्या व्हॅनचा शुभारंभ बुधवारी होणार होता.
दोघांशी अफेअर; एकटी असताना एकाला बोलावलं, दुसऱ्याला समजलं, त्यानं घर गाठलं अन् मग…
बुधवारी फूड व्हॅनचं उद्घाटन असल्यानं मंगळवारी तयारीसाठी धावपळ सुरू होती. मंगळवारी रात्री तो जिममध्ये आला आणि तिथल्या मित्रांना घेऊन व्हॅनमध्ये फोटो काढण्यासाठी घेऊन गेला. फोटो काढत असताना अचानक सुमितला करंट लागला. त्यामुळे सुमितचा मृत्यू झाला.

सुमितच्या मृत्यूची बातमी त्याच्या मित्रमैत्रिणींनी कुटुंबीयांना दिली. मित्रांनी सुमितला एसआरएन रुग्णालयात नेलं. मात्र डॉक्टरांनी त्याला मृत घोषित केलं. सुमितच्या मृत्यूबद्दल समजताच कुटुंबाला जबर धक्का बसला. कुटुंबातील दोघे सुमितला मृतावस्थेत पाहून कोसळले. सुमितची हत्या झाल्याचा आरोप त्यांनी केला.
करेक्ट कार्यक्रम! दुचाकीचोर सुसाट सुटले; पण वॉचमन फास्टर फेणे निघाला; चोरी फसली, पाहा VIDEO
मीरपूर पोलीस ठाण्याच्या कर्मचाऱ्यांनी सुमितचा मृतदेह सिव्हिल लाईन्स पोलिसांकडे सोपवला. घटना सिव्हिल लाईन्स पोलिसांच्या हद्दीत घडली असल्यानं मीरपूर पोलीस ठाण्याच्या पोलिसांनी त्यावर भाष्य करण्यास नकार दिला. सुमितचा मृत्यू करंट लागल्यानं झाल्याचं सिव्हिल लाईन्स पोलिसांनी सांगितलं.