छगन भुजबळांच्या अडचणीत वाढ; चेंबुर पोलीस ठाण्यात गुन्हा दाखल, काय आहे प्रकरण?
उद्धव ठाकरेंना प्रत्युत्तर देण्यासाठी शिंदे गट टायमिंग साधण्याच्या प्रयत्नात आहे. दसरा मेळाव्यात ठाकरे आणि शिंदे यांच्यात भाषणांवरून कुरघोडी होण्याची चिन्हं आहेत. शिवाजी पार्कातील शिवसेना पक्षप्रमुख उद्धव ठाकरे यांच्या भाषणानंतरच मुख्यमंत्री एकनाथ शिंदेंनी भाषण करावं, अशी योजना शिंदे गटानं आखली आहे. शिंदेंनी ठाकरेंनंतर भाषण केल्यास त्यांना ठाकरेंच्या भाषणाला प्रत्युत्तर देता येईल. त्यांचे मुद्दे खोडून काढता येतील, असं शिंदे गटातील नेत्यांना वाटतं. ठाकरेंचं भाषण रात्री ८च्या सुमारास सुरू होतं. ते साधारणत: ९ वाजता संपतं. त्यामुळे शिंदेंनी ९ नंतर भाषणास सुरुवात करावी, अशी शिंदे गटाची योजना आहे.
शिवसेना- शिंदे गटात टीझर वॉर; शिंदे गटाच्या झेंड्यात बाळासाहेब आणि दिघेंचे छायाचित्र
गेल्या महिन्यातील पॅटर्नची पुनरावृत्ती?
गेल्या महिन्यात, २१ सप्टेंबरला मुंबईच्या गोरेगावात उद्धव ठाकरेंनी गटप्रमुखांचा मेळावा घेतला. त्यावेळी त्यांनी शिंदेंवर तोंडसुख घेतलं. शिंदे गटाचा उल्लेख त्यांनी मिंधे गट असा केला. मुलं पळवणारी टोळी असते. तशी आता बाप पळवणारी टोळी आली असल्याचं म्हणत त्यांनी शिंदेंवर तिखट शब्दांत हल्ला चढवला.
२१ सप्टेंबरला एकनाथ शिंदे दिल्लीत होते. मुंबईत ठाकरेंचं भाषण संपल्यानंतर दिल्लीत शिंदेंचं भाषण सुरू झालं. आम्ही मिंधे नाही, तर बाळासाहेबांचे खंदे आहोत, असा शब्दांत त्यांनी ठाकरेंना प्रत्युत्तर दिलं. तुम्हाला बापाचा विचार विकणारी टोळी म्हणू का?, असा सवाल त्यांनी उपस्थित केला.
