‘आयटी’ क्षेत्रात मंदीचे संकट; भारतीय टेक कंपनीने जगभरात केली कर्मचाऱ्यांची मोठी कपातकंपनीने मे महिन्यातच इंजिनीअर्स आणि डेटा सायंटिस्टची नियुक्ती थांबवली होती. तर जुलैमध्ये झुकरबर्गने कर्मचाऱ्यांना सांगितले की, पुढील १८ ते २४ महिने आव्हानात्मक असू शकतात. त्यानंतर त्यांनी व्यवस्थापकांना कमकुवत कामगिरी करणाऱ्या कर्मचाऱ्यांना ओळखण्यास सांगितले. दरम्यान, आता झुकरबर्गने कर्मचाऱ्यांना कामावरून काढण्याचे संकेत दिले आहेत. त्यांनी या आठवड्यात सांगितले की कंपनी नवीन भरती करणार नाही आणि सर्व टीमसाठीचे बजेट कमी करेल. यासोबतच काही कर्मचाऱ्यांना कामावरून कमी करण्यात येणार आहे. फेसबुक प्रथमच टाळेबंदी (Layoff) करणार आहे. अनेक वर्षांपासून या कंपनीने विक्रमी वाढ नोंदवली आणि गुंतवणूकदारांना जबरदस्त परतावा दिला. मात्र यंदा कंपनीचे तिमाही अहवाल चांगले आले नाहीत.
‘या’ दोन जागतिक कंपन्या कर्मचाऱ्यांमध्ये करणार कपात
शेअर्समध्ये घसरण
झुकेरबर्गसोबतच्या बैठकीत सहभागी झालेल्या कर्मचाऱ्यांच्या म्हणण्यानुसार सर्व व्यवस्थापकांना बजेटमध्ये कपात करण्यास सांगण्यात आले आहे. तसेच त्यांना नवीन भरती किंवा टाळेबंदी करू नये असे सांगण्यात आले आहे. फेसबुक आक्रमकपणे Metaverse उत्पादनांचा प्रचार करत आहे, त्यामुळेच कंपनीच्या आर्थिक स्थितीवर परिणाम झाला आहे. यासोबतच फेसबुकला इतर कंपन्यांकडूनही तगडी स्पर्धा मिळत आहे, ज्यामुळे कंपनीच्या जाहिरातींच्या उत्पन्नावर परिणाम झाला आहे.
Elon Musk यांची मोठी घोषणा, Tesla मधील ‘इतक्या’ कर्मचाऱ्यांना नोकरीवरून काढणार
फेसबुकला (आता मेटा प्लॅटफॉर्म) टिकटॉक आणि यूट्यूब सारख्या प्लॅटफॉर्मकडून स्पर्धेला सामोरे जावे लागत आहे. या १८ वर्ष जुन्या कंपनीतून वापरकर्ते टिकटॉक आणि यूट्यूबकडे वळत असून यामुळे कंपनीच्या महसुलावर मोठा परिणाम झाला आहे. या वर्षी कंपनीच्या शेअर्समध्ये मोठी घसरण झाली आहे. या घसरणीमुळे झुकरबर्गच्या एकूण संपत्तीवरही परिणाम झाला आहे. बऱ्याच काळापासून जगातील पहिल्या तीन श्रीमंतांच्या यादीत समाविष्ट असलेले झुकरबर्ग आता २३ व्या क्रमांकावर घसरले आहेत. ब्लूमबर्ग अब्जाधीश निर्देशांकानुसार त्यांची एकूण संपत्ती ५०.९ अब्ज इतकी असली तरी या वर्षी त्यांची एकूण संपत्ती ७४.६ अब्ज डॉलरने घसरली आहे.
