कानपूर : २७ जुलै २०१४, कानपूरमध्ये दुपारच्या वेळी शहरातील एका बड्या व्यावसायिकाच्या मुलाने पोलिसांना सांगितलं की, काही दुचाकीस्वार टोळक्यांनी त्यांना रस्त्यात अडवून पत्नीचं कारसह अपहरण केलं आहे. त्याचसोबत मला मारहाण देखील केली आहे. व्यावसायिकाचा मुलगा आणि सून एका रेस्टॉरंटमधून घरच्या दिशेने जात होते.

व्यावसायिकाच्या सूनेचं अपहरण

पोलिसांना कॉल करणारा व्यक्ती व्यावसायिक ओम प्रकास दासानी यांचा ३० वर्षीय मुलगा पीयूष दासानी होता. घटनेची माहिती मिळताच पोलिसांनी तात्काळ पाऊलं उचलली. पीयूषच्या कारसह अपहरण झालेल्या पत्नीचा शोध सुरु झाला. पीयूषची अवस्था गंभीर होती. तोपर्यंत पीयूषची पत्नी ज्योतीच्या अपहरणाची बातमी वाऱ्यासारखी पसरली. दासानी कुटुंब आणि नातेवाईक एकत्र जमा होऊ लागले. पोलीस अधिकारी त्यांच्या घरी पोहचले.

वर्ल्डकपच्या आधी पाकिस्तानला दणका, टी-२० अशी धुलाई कोणाचीच झाली नाही
पीयूषनं पोलिसांना दिलेल्या माहितीनुसार, तो पत्नीसह एका रेस्टॉरंटमधून कारमध्ये बसून निघाला होता. रस्त्यात पत्नी ज्योतीने लाँग ड्राईव्हला जाण्याचा हट्ट केला. तेव्हा कंपनीच्या बाग चौकापासून रावतपूर रोडला ते निघाले. तेव्हा ४ दुचाकीस्वारांनी रस्त्यात जबरदस्तीने पीयूष यांची कार थांबवली. त्यांनी कारमधून जबरदस्ती पीयूषला खाली उतरवले. त्यांनतर पत्नी ज्योतीला घेऊन ते फरार झाले. ज्योतीच्या मोबाईलवर कॉल केला तेव्हा कुणीतरी कॉल उचलला. दुसरीकडूव ज्योतीच्या ओरडण्याचा आवाज येत होता. अपहरणकर्त्यांनी तिला जीवे मारण्याची धमकी दिली. त्यानंतर कॉल कट झाला. या घटनेनंतर पीयूषने रस्त्याने जाणऱ्या वाहनांची मदत मागितली तेव्हा एका दुचाकीवाल्याने लिफ्ट देत रावतपूरपर्यंत पोहचवले. तिथे पीयूष स्टेशनला जात त्यांनी तक्रार नोंदवली.

पोलिसांनी तपास सुरु केला असता कानपूरच्या पनकी भागात पीयूष दासानी यांची कार जप्त करण्यात आली. कारच्या आतमध्ये ज्योती होती परंतु ती जिवंत नव्हती. तिची हत्या झाली होती. शरीरावर धारधार शस्त्राने वार केल्याच्या खूणा होत्या. ही बातमी कळताच दासानी कुटुंबावर दु:खाचा डोंगर कोसळला. व्यावसायिकाच्या सूनेची हत्या झाल्याचं शहरात वाऱ्यासारखं पसरलं.

पीयूषचे वडील ओम प्रकाश देशातील प्रसिद्ध बिस्किट कंपनी निर्माता आहेत. मुकेश आणि पीयूष हे त्यांची दोन मुले आहेत. पीयूष हा छोटा मुलगा आहे. नोव्हेंबर २०१२ मध्ये जबलपूरचे व्यावसायिक शंकर लाल नागदेव यांची २४ वर्षीय कन्या ज्योतीसोबत लग्न झाले होते. ज्योती ही गृहणी होती. पीयूषच्या पत्नीचा मृतदेह आढळल्यानंतर पोलिसांनी वेगाने चक्र फिरवली. पुरावे शोधण्यासाठी पथकं तयार केली. पोलिसांच्या हाती काहीच लागलं नाही. ज्योतीच्या मृतदेहाचं शवविच्छेदन होत असताना त्यांच्या कुटुंबातील सदस्य उपस्थित होते. तेव्हा पोलिसांचं लक्ष पीयूषच्या शर्टकडे गेले. घटना झाली तेव्हा आणि शवविच्छेदन होत असताना पीयूषचा शर्ट बदलला होता.

VIDEO: मी पुन्हा येईन! पंतप्रधान मोदी माईकशिवाय बोलले; केवळ मिनिटभर भाषण करून निघाले
पोलिसांनी या प्रकरणात सीसीटीव्ही फुटेज तपासले असता त्यांना एक धक्का देणारी गोष्ट पाहायला मिळाली. पीयूष आणि ज्योती जेव्हा जेवायला बसले होते तेव्हा दोघांमध्ये काहीच संवाद होत नव्हता. पीयूष सातत्याने कुणाशी तरी फोनवर बोलत होता. पोलिसांची संशयाची सुई पीयूषभोवती फिरु लागली. पीयूषच्या शर्टवरुन पोलिसांचा तपास सुरु झाला. ज्योतीचं अपहरण करताना अज्ञातांनी मारहाण केल्याचं सांगण्यात आले. परंतु पीयूषच्या शरीरावर कुठेही जखम नव्हती. त्यानंतर अपहरण केल्यानंतर कॉल करायला १ तास का लावला? पीयूष यांच्याकडे मोबाईल होता इतकेच नाही तर घटनास्थळापासून काही अंतरावर पोलीस स्टेशन देखील होते. पीयूष यांच्या बोलण्यात एक वाक्यता नव्हती.

ज्योतीच्या हत्येला ३ दिवस झाले होते. पोलिसांनी ज्योती आणि पीयूषच्या मोबाईलचा सीडीआर तपासला. पीयूषच्या मोबाईलवरुन एक नंबर मिळाला ज्याच्याशी तो तासनतास बोलायचा. तो नंबर होता मनिषा मखीजा नावाच्या मुलीचा. घटनेच्या दिवसापर्यंत दोघांमध्ये खूप कॉल, मेसेज झाले. मनिषा ही पान मसाला कंपनीचे मालक हरीश मखीजा यांची मुलगी होती. पोलिसांनी पीयूषला चौकशीसाठी ताब्यात घेतले. त्यानंतर मनिषालाही बोलावले. दोघांना आमनेसामने बसून चौकशी सुरु केली. सुरुवातीला दोघांनी उडवाउडवीची उत्तरे दिली. त्यानंतर त्यांनी अखेर आपण केलेल्या गुन्ह्याची कबूली दिली.

पीयूषनेच रचला हत्येचा प्लॅन

पोलीस तपासात समोर आलं की, ज्योतीच्या हत्येचा प्लॅन पीयूषनेच रचला होता. ज्यात ड्रायव्हर अवधेश आणि नोकर रेणूचा समावेश होता. या दोघांना ज्योतीच्या हत्येची सुपारी दिली होती. पीयूष आणि मनिषा यांचे प्रेम प्रकरण सुरु होतं. पीयूषला मनिषासोबत लग्न करायचं होतं. त्यामुळे ज्योतीचा काटा काढण्याचा डाव पीयूषने रचला होता. रावतपूर येथे रस्त्यात अवधेशने कार थांबवली अचानक धारधार शस्त्राने ज्योतीवर वार केले आणि त्यानंतर कार तिथेच सोडून निघून गेले.

PM मोदींच्या हस्ते भारतात 5G सर्विस लाँच, आधीच्या आणि आताच्या स्पीडमध्ये ‘इतका’ फरक

LEAVE A REPLY

Please enter your comment!
Please enter your name here