खेडची स्थानिक गणितं कशी?
- खेड मतदार संघातली ताकद
- खेड आळंदी मतदारसंघात राष्ट्रवादीचे आमदार दिलीप मोहिते आहेत
- हा मतदारसंघ पुण्यातील शिरूर या विधानसभा मतदार संघात येतो
- त्यामुळे राष्ट्रवादी काँग्रेसचा बालेकिल्ला म्हणून ओळखला जातो
- मात्र शिवसेनेने हळू हळू इथे आपली पकड घट्ट केली
- आणि शिवसेनेकडून पहिल्यांदाच आमदार सुरेश गोरे इथे निवडून आले होते
- पण शिवसेना आणि राष्ट्रवादीत इथे कमालीचा संघर्ष आहे
- इथली स्थानिक गणितं ही नेहमी पक्षनेतृत्वाचं टेन्शन वाढवतात
दादाच्या मनात काय सायबाला तरी कळलंय का? एक दिवस बरोबर झटका देणार, बापू बरंच बोलून गेले!
शिवसेना बदला घेणार?
ऑगस्ट २०२१ मध्ये खेड पंचायत समिती सभापतीपदावरुन शिवसेना आणि राष्ट्रवादी काँग्रेसमध्ये चांगलीच झुंपली होती. त्यानंतरही खेड पंचायत समितीवर राष्ट्रवादी काँग्रेसचाच वरचष्मा पाहायला मिळाला होता. दुसरीकडे बहुमत असूनही शिवसेनेला जबर धक्का बसला होता. खेड पंचायत समितीवर शिवसेनेची एकहाती सत्ता होती. मात्र, शिवसेना सदस्यांमध्ये मतभेद निर्माण झाल्यानं सभापतीपदावरुन शिवसेना विरुद्ध राष्ट्रवादी काँग्रेस असा संघर्ष पाहायला मिळाला. आता आगामी काळात शिवसेना हाच बदला अमोल पवार यांच्या रुपाने घेणार असल्याचं सांगितलं जातंय…
मिलिंद नार्वेकर तुमच्या साथीला येतायेत? एकनाथ शिंदे म्हणतात, लपवायचं काय, आपलं रोखठोक असतंय!
अमोल पवार कोण?
- माजी आमदार नारायणराव पवार यांच्या विचाराने राजकारणात प्रवेश
- पंचायत समितीच्या पंचवार्षिक निवडणुकीत काँग्रेस पक्षाच्या चिन्हावर निवडून आले
- काँग्रेसचे एकमेव पंचायत समिती सदस्य म्हणून काम पाहिले
- त्यानंतर पंचायत समितीचे उपसभापती म्हणून काम पाहिले
- खेड मतदारसंघात अमोल पवार यांचा चांगला जनसंपर्क
- अमोल पवारांनी ठाकरेंना साथ देण्याचा निर्णय घेत सेनेचा भगवा खांद्यावर घेतलाय
- शिवसेना प्रवेशामुळे खेड तालुक्यातील काँग्रेस नामशेष होण्याच्या मार्गावर
- आगामी २०२४ च्या निवडणुकीत खेड विधानसभेवर भगवा फडकावणार
ठाकरे पवारांना बळ देणार!
खेड तालुक्यात दोन माजी उपसभापती वगळले तर शिंदे गटातल्या आढळरावांना आणखी म्हणावी अशी पदाधिकाऱ्यांची साथ मिळालेली नाहीये. सेनेच्या निष्ठावंतांनी अजूनही ठाकरेंबरोबरच राहणं पसंत केलं आहे. अशातच आज काँग्रेसचे एकमेव पंचायत समिती सदस्य आणि माजी उपसभापती अमोल पवार यांनी ठाकरेंना साथ देण्याचा निर्णय घेत सेनेचा भगवा खांद्यावर घेतलाय. जुन्या निष्ठावंत शिवसेनेच्या पदाधिकाऱ्यांनी उद्धव ठाकरे यांच्यावरची निष्ठा कायम ठेवली आहे. त्यामुळे खेडमध्ये सेनेची वोट बँक पुन्हा मजबूत करण्यासाठी ठाकरेंकडून अमोल पवार यांना बळ दिलं जाणार हे नक्की.
अमोल पवार यांच्या रूपाने एक तगडा गडी शिवसेनेला मिळाला आहे, अशी भावना पक्षप्रवेशावेळी उद्धव ठाकरेंनी बोलून दाखवलीये. खेडचे माजी आमदार तथा शिवसेना नेते सुरेश गोरे यांचं कोरोना काळात निधन झाल्याने त्यांच्या जागेवर शिवसेना पर्यायी उमेदवाराच्या शोधात आहे. आता अमोल पवार यांच्या रुपाने शिवसेनेला तगडा गडी मिळाल्याचं उद्धव ठाकरेंनीच बोलून दाखवल्याने त्यांच्या पुढच्या राजकीय करिअरविषयी जोरात चर्चा सुरु झाल्या आहेत.
