अफगाणिस्तान हादरलं: काबूलमध्ये भीषण स्फोट! १९ विद्यार्थ्यांचा मृत्यू तर २७ जण जखमी
भडकलेल्या चाहत्यांनी फुटबॉल मैदानात घुसून मारहाण सुरू केली. सगळीकडे एकच गोंधळ माजला. या हिंसाचारात मैदानातच ३४ जणांचा मृत्यू झाल्याची माहिती पूर्व जावाचे पोलीस प्रमुख निको एफिंटा यांनी सांगितलं. मारहाणीत, हिंसाचारात जखमी झालेल्या अनेकांना रुग्णालयात दाखल करण्यात आलं. तिथे उपचार सुरू असताना ९३ जणांचा मृत्यू झाला.
इंडोनेशियातील पूर्व जावा येथील एका स्टेडियममध्ये Persebaya Surabaya आणि Arema FC यांच्यामध्ये फुटबॉल सामना खेळवण्यात आला. या सामन्यात अरेमा एफसीचा पराभव झाला. संघ हरल्यानंतर संतप्त प्रेक्षक मैदानात शिरले. त्यांनी मारहाण सुरू केली. हिंसाचारात २ पोलीस कर्मचाऱ्यांचा मृत्यू झाला. हिंसाचाराची माहिती मिळाल्यानंतर पोलीस आणि इंडोनेशियन राष्ट्रीय सशस्त्र दलाचे जवान स्टेडियमवर पोहोचले. त्यांनी प्रयत्नांची शिकस्त करून खेळाडूंना सुरक्षितपणे स्टेडियमबाहेर काढलं.
