wife gave CPR to husband, ट्रेनमध्ये पतीला हृदयविकाराचा झटका; मृत्यू दिसू लागला, पत्नीनं ‘सावित्री’ होऊन जीव वाचवला – wife saved husbands life by giving cpr at mathura railway station

शुक्रवारी रात्री १२ च्या सुमारास ६७ वर्षांचे केशवन त्यांची पत्नी दयासोबत निजामुद्दीन तिरुअनंतपुरम सुपरफास्ट एक्स्प्रेसमधून प्रवास करत होते. चालत्या ट्रेनमध्ये अचानक केशवन यांची प्रकृती बिघडली. याची माहिती आरपीएफला देण्यात आली. आरपीएफच्या जवानांनी केशवन यांना ट्रेनच्या बाहेर आणलं. जवानांनी त्यांच्या पत्नीला सीपीआर देण्यास सांगितला. यादरम्यान जवान केशवन यांच्या हातापायांना मालिश करत होते. केशवन यांना प्रथमोपचार देण्यात आले.

फलाटावर गर्दी जमली होती. गर्दी पाहून आरपीएफचे शिपाई अशोक कुमार आणि निरंजन सिंह तिथे पोहोचले. अशोक कुमार यांनी केशवन यांची प्रकृती पाहिली. त्यांना परिस्थितीचं गांभीर्य समजलं. त्यांनीच सीपीआर देण्यास सांगितलं. यानंतर दया यांनी पतीला तोंडानं श्वास दिला. अर्ध्या तासानं केशवन शुद्धीवर आले. आरपीएफ जवानांनी रुग्णवाहिका मागवून केशवन यांना मथुरेतील खासगी रुग्णालयात दाखल केलं.