Authored by prasad lad | Maharashtra Times | Updated: Oct 2, 2022, 10:21 PM

suryakumar yadav : सूर्याने यावेळी जगभारता कोणत्याही फलंदाजाल जमलं नाही ते या सामन्यात करून दाखवलं. त्याचबरोबर सूर्याने यावेळी रोहित शर्माचाही विक्रम मोडीत काढला. सूर्याने यावेळी फक्त १८ चेंडूंत अर्धशतक झळकावले. त्यामुळे सूर्या आता शतक झळकावेल, असे वाटत होते. पण सूर्या यावेळी ६१ धावांवर रन आऊट झाला. पण बाद होण्यापूर्वी सूर्याने यावेळी विश्वविक्रमाला गवसणी घातली होती.

 

suryakumar yadav
सौजन्य-ट्विटर
गुवाहाटी : आजचा दिवस सूर्यकुनार यादवचाच होता. कारण आजच्या सामन्यात सूर्याने जी वादळी फटकेबाजी केली ती नेत्रदीपक अशीच होती. सूर्या यावेळी फक्त ५१ चेंडू असताना फलंदाजीला आला होता. पण सूर्याने कोहलीला धावांच्या शर्यतीत मागे टाकत विश्वविक्रम रचल्याचे पाहायला मिळाले.

सूर्या जावेहा फलंदाजीला आला तेव्हा भारताची ११.३ षटकांमध्ये २ बाद १०७ अशी स्थिती होती. त्यावेळी कोहली खेळपट्टीवर सेट झाला होता. पण यावेळी सूर्याने कोहलीला झाकोळून टाकले आमि आपल्या फटक्यांनी सामन्यात चमक आणली. सूर्याने यावेळी फक्त १८ चेंडूंत अर्धशतक झळकावले. त्यामुळे सूर्या आता शतक झळकावेल, असे वाटत होते. पण सूर्या यावेळी ६१ धावांवर रन आऊट झाला. पण बाद होण्यापूर्वी सूर्याने यावेळी विश्वविक्रमाला गवसणी घातली होती.

सूर्याने यावेळी जगभारता कोणत्याही फलंदाजाल जमलं नाही ते या सामन्यात करून दाखवलं. सूर्याने यावेळी आंतरराष्ट्रीय ट्वेन्टी-२० क्रिकेटमध्ये सर्वात जलद १००० पेक्षा जास्त धावा विश्वविक्रम रचला आहे. यापूर्वी हा विक्रम ऑस्ट्रेलियाच्या ग्लेन मॅक्सवेलच्या नावावर होता. सूर्याने ५७३ चेंडूंमध्ये यावेळी १००० धावा पूर्ण केल्या, या हजार धावा पूर्ण करण्यासाठी मॅक्सवेलला ६०४ चेंडू लागले होते. त्याचबरोबर सूर्याने यावेळी रोहित शर्माचाही विक्रम मोडीत काढला. कारण सूर्याने यावेळी रोहितपेक्षा कमी डावांमध्ये हजार धावांचा टप्पा गाठला आहे. त्यामुळे आजच्या सामन्यात सूर्याच्या फलंदाजीने बरेच विक्रम मोडीत काढल्याचे पाहायला मिळाले.


सूर्यकुमार फलंदाजीला आला आणि त्याने सामन्याचे चित्रच बदलून टाकले. कारण सूर्याने सुरुवातीपासूनच धडाकेबाज फटकेबाजीला सुरुवात केली. त्यामुळे सूर्याला झटपट धावा जमवता आल्या. सूर्याने यावेळी षटकारासह आपले अर्धशतक पूर्ण केले. सूर्याने यावेळी फक्त १८ चेंडूंमध्ये आपले अर्धशतक पूर्ण केले. सूर्याचे अर्धशतक झाल्यावर कोहली पण जोरदार फटकेबाजी करायला लागला. त्यामुळे कोहली आणि सूर्या यांनी यावेळी गोलंदाजांचा चांगलाच समाचार घ्यायला सुरुवात केली. या दोघांनी यावेळी गोलंदाजांना आपल्या पुढे लोटांगण घालायला भाग पाडले आणि १८व्या षटकातच संघाच्या २०० धावा पूर्ण केल्या. सूर्याच्या धडाकेबाज अर्धशतकाच्या जोरावर भारताने २३७ धावांचा डोंगर उभारत यावेळी विजयाचा पाया रचला. सूर्यकुमारने यावेळी तुफानी फटकेबाजी करत २२ चेंडूंत पाच चौकार आणि पाच षटकारांच्या जोरावर ६१ धावांची वादळी खेळी साकारली. पण सूर्याचे शतक यावेळी होईल, असे वाटत होते. पण ही गोष्ट मात्र होऊ शकली नाही.

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here