Maharashtra Politics | अमित शाह यांच्या कार्यालयाबाहेर एकनाथ खडसे आणि रक्षाताई खडसे बसल्याची माहिती मला मिळाली. मला अमित शाहांच्या कार्याबाहेरून एक फोन आला होता. यानंतर मी रक्षाताईंना फोन करून याबाबत विचारलं. तेव्हा रक्षाताईंनीच मला सांगितलं की, आम्ही येथे जवळपास तीन तास बसलो. पण आम्हाला वेळ दिला नाही किंवा अमित शाहांनी भेटायला नकार दिला.
हायलाइट्स:
- मी रक्षाताईंना फोन केल्यानंतर त्यांनीच मला ही माहिती दिली
- मला अमित शाहांच्या कार्यालयाबाहेरून एक फोन आला होता
- अमित शाह यांच्या कार्यालयाबाहेर एकनाथ खडसे आणि रक्षाताई खडसे बसल्याची माहिती
गिरीश महाजन यांनी यासंदर्भात बोलताना सांगितले की, एकनाथ खडसे आणि रक्षाताई खडसे केंद्रीय गृहमंत्री अमित शाहांना भेटण्यासाठी दिल्लीत गेले होते. मात्र, त्यांची भेट झाली नाही. मी रक्षाताईंना फोन केल्यानंतर त्यांनीच मला ही माहिती दिली, असा दावा गिरीश महाजन यांनी केला. एकनाथ खडसे आणि अमित शाहांच्या भेटीबाबत मी प्रसारमाध्यमांतूनच ऐकलं. यानंतर मी थोडीशी अधिक माहिती घेतली. अमित शाह यांच्या कार्यालयाबाहेर एकनाथ खडसे आणि रक्षाताई खडसे बसल्याची माहिती मला मिळाली. मला अमित शाहांच्या कार्यालयाबाहेरून एक फोन आला होता. यानंतर मी रक्षाताईंना फोन करून याबाबत विचारलं. तेव्हा रक्षाताईंनीच मला सांगितलं की, आम्ही येथे जवळपास तीन तास बसलो. पण आम्हाला वेळ दिला नाही किंवा अमित शाहांनी भेटायला नकार दिला. ते अमित शाहांना भेटायला गेले होते. मात्र, त्यांच्यात भेट झाली नाही, एवढं मला निश्चित कळालं आहे, असे गिरीश महाजन यांनी सांगितले. त्यामुळे आता या सगळ्यावर एकनाथ खडसे काय प्रतिक्रिया देतात, हे पाहावे लागेल.
अमित शहांच्या भेटीची चर्चा, कमळ हाती घेणार? एकनाथ खडसेंचं रोखठोक उत्तरएकेकाळी एकनाथ खडसे हे महाराष्ट्र भाजपचा प्रमुख चेहरा होते. या काळात राज्यातील भाजप संघटनेत त्यांचा शब्द प्रमाण मानला जात होता. परंतु, देवेंद्र फडणवीस यांच्या उदयानंतर एकनाथ खडसे यांचे भाजपमधील राजकीय वजन हळूहळू कमी होत गेले. त्यामुळे भाजपवर नाराज असलेल्या एकनाथ खडसे यांनी राष्ट्रवादी काँग्रेसमध्ये प्रवेश केला होता.
खडसे मला आणि फडणवीसांना म्हणाले, ‘आपण बसवून मिटवून टाकू’, महाजनांचा मोठा गौप्यस्फोट
एकनाथ खडसे काय म्हणाले?
नरेंद्र मोदी हे या देशाचे पंतप्रधान आहेत, तसंच अमित शहा हे या देशाचे गृहमंत्री आहेत. अमित शहांना भेटू नये, असा काही नियम आहे का? माझा अमित शहा आणि पंतप्रधान मोदींशी परिचय आजचा नसून फार पूर्वीपासूनचा आहे. मी अमित शहांना एकदाच भेटलो असं नाही, या आधीही मी अनेकदा त्यांना भेटलो आहे आणि नंतरही भेटणार आहे. देवेंद्रजींनाही मी आधी भेटलो आणि पुढेही भेटणार आहे. त्यामुळे याचा वेगळा अर्थ काढण्याची आवश्यकता नाही, असे एकनाथ खडसे यांनी म्हटले होते.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
