youth died while dancing garba, हृदयद्रावक! गरबा खेळताना तरुणाला हार्ट अटॅक; नाचता नाचता जमिनीवर कोसळला, मृत्यूनं गाठलं – gujarat man dies of heart attack while dancing incident captured on video

तारापूरमधील शिव शक्ती सोसायटीत नवरात्रीनिमित्त गरब्याचं आयोजन करण्यात येतं. ३० सप्टेंबरला २१ वर्षांचा विरेंद्र सिंह राजपूत गरबा खेळत होता. त्यावेळी मित्र व्हिडीओ तयार करत होते. तितक्यात अचानक विरेंद्र खाली कोसळला. सोसायटीतील लोक त्याला तातडीनं जवळच्या रुग्णालयात घेऊन जाऊ लागले. मात्र रस्त्यातच त्यानं अखेरचा श्वास घेतला. हृदय विकाराचा झटका आल्यानं त्याचा मृत्यू झाल्याचं डॉक्टरांनी सांगितलं.
VIDEO: मॅडम थांबा! सँडल दाखवा! संशय आल्यानं कस्टम विभागानं सँडल काढायला लावली अन् मग…
विरेंद्रला अस्वस्थ वाटत असल्याचं व्हिडीओच्या सुरुवातीला दिसत आहे. मात्र तरीही तो गरबा खेळत होता. गरबा खेळता खेळता तो एकाएकी जमिनीवर कोसळला. विरेंद्र सिंह राजपूतचे वडील मोरज गावातील प्राथमिक शाळेचे मुख्याध्यापक आहेत. विरेंद्र सिंहला मोठा भाऊ आहे. आरोग्याच्या दृष्टीनं तंदुरुस्त असलेल्या विरेंद्रचा गरबा खेळताना अचानक मृत्यू झाल्यानं संपूर्ण गावावर शोककळा पसरली आहे.
भररस्त्यात एकाला संपवले; सगळे बघत राहिले; बॉडी उचला, आणखी दोघांना मारू म्हणत आरोपी निघाले
जम्मूमध्ये १९ वर्षांच्या तरुणाचा मृत्यू
जम्मू जिल्ह्यातील बिश्नाहमध्ये जागरण मंचावर नृत्य करत असताना १९ वर्षीय तरुणाचा मृत्यू झाल्याची घटना काही दिवसांपूर्वीच घडली. १९ वर्षांचा योगेश गुप्ता पार्वती आणि सतीची भूमिका साकारत होता. तो बराच वेळ नृत्य करत होता. त्यानंतर अचानक खाली कोसळला. काही वेळ तो उठलाच नाही. नृत्य पाहायला आलेल्या प्रेक्षकांनी त्याला डॉक्टरांकडे नेलं. डॉक्टरांनी त्याला मृत घोषित केलं.