ex serviceman kills couple, ३० वर्षांचं वैर, कोर्टानं निकाल देताच बदला घेतला; माजी सैनिकानं जोडप्याला निर्घृणपणे संपवलं – kerala ex serviceman takes life of elderly couple after hitting on their head with hammer and later setting them on fire

तिरुअनंतपुरम: केरळच्या तिरुअनंतपुरममध्ये एका माजी सैनिकानं वृद्ध दाम्पत्याचा निर्घृण खून केला आहे. दाम्पत्याच्या डोक्यात हातोड्यानं वार करून आरोपीनं त्यांना जखमी केलं. यानंतर पेट्रोल टाकून दोघांना जाळलं. तास वर्षांपूर्वी घडलेल्या घटनेचा बदला घेण्यासाठी माजी सैनिकानं हे कृत्य केलं. प्रभाकर कुरुप आणि विमला कुमारी अशी मृतांची नावं आहेत.

आरोपी शशिधरन नायरनं दाम्पत्यावर हातोड्यानं हल्ला केला. त्यानंतर त्यानं दोघांना पेट्रोल टाकून पेटवलं. त्यात दोघे ६० टक्के भाजले. घटनेची माहिती मिळताच पोलीस पोहोचले. त्यांनी दोघांना तिरुअनंतपुरम येथील रुग्णालयात दाखल केलं. मात्र उपचारादरम्यान दोघांचा मृत्यू झाला.
वय २३ वर्ष, वजन १५० किलो; खांद्यावर ३ स्टार; सगळे पोलीस निरीक्षक समजायचे, पण तो भलताच निघाला
पोलिसांनी दिलेल्या माहितीनुसार, शशीधरन नायरच्या मुलानं ३० वर्षांपूर्वी बहारीनमध्ये आत्महत्या केली. नायरच्या मुलाला प्रभाकर कुरुप यांनी बहारीनमध्ये नोकरी मिळवून दिली. भारतातून बहारीनला पाठवत असताना प्रभाकर यांनी नायरच्या मुलाला चांगल्या नोकरीचा शब्द दिला. मात्र प्रत्यक्षात मुलाला वेगळीच नोकरी देण्यात आली. त्यामुळे नायरचा मुलगा तणावाखाली होता. त्यानं बहारीनमध्ये आत्महत्या केली. ही घटना ३० वर्षांपूर्वी घडली.

या प्रकरणी नायरनं पोलीस ठाण्यात तक्रार दाखल केली. तेव्हापासून न्यायालयात सुनावणी सुरू झाली. शुक्रवारी न्यायालयानं प्रभाकर यांची सुटका केली. यामुळे नायर संतापला. त्यानं शनिवारी प्रभाकर यांचं घर गाठलं. त्यांना धमकी दिली. दोघांचा वाद झाला. प्रकरण मारहाणीपर्यंत गेलं.
घरात सुख शांती नांदावी म्हणून सत्यनारायण पूजा घातली; यजमानानं कथा ऐकली अन् भटजींचा कान कापला
विमला यांनी मध्यस्थीचा प्रयत्न केला. त्यावेळी नायरनं दोघांवर हातोड्यानं हल्ला केला. हल्ल्यात दाम्पत्य जखमी झालं. यानंतर नायरनं दोघांवर पेट्रोल टाकलं आणि त्यांना पेटवलं. दाम्पत्याचा आक्रोश ऐकून शेजारी जमले. त्यांनी घटनेची माहिती पोलिसांना दिली. पोलिसांनी दोघांना रुग्णालयात दाखल केलं. या प्रकरणी गुन्हा दाखल झाला असून तपास सुरू आहे.