नवी दिल्ली : दसरा अर्थात विजयादशमी (Vijayadashami) हा सडेतीन मुहूर्तांपैकी एक मुहूर्त आहे. या दिवशी शुभ कार्ये केली जातात. काही जणं वाहन खरेदी करतात, तर नवीन कामाची सुरुवातही या दिवसापासून केली जाते. तसेच या दिवशी सोनंही खरेदी करण्याची आपली परंपरा आहे. दसऱ्याच्या मुहुर्तावर तुम्ही सोनं खरेदी करण्याच्या विचारात असाल तर ही तुमच्यासाठी कामाची बातमी आहे. दसऱ्याच्या मुहूर्तावर सराफा बाजारात सोने-चांदीचे भाव पुन्हा वाढले आहे.

सोनं खरेदीची संधी! BSE मधूनही करता येणार सोन्याचा व्यवहार, जाणून घ्या कसा घ्याल फायदा
सोने-चांदीचे आजचे दर
गेल्या काही दिवसांच्या घसरणीनंतर आता सोन्या-चांदीच्या दरात पुन्हा वाढ झाली आहे. सराफा बाजारात सोन्या-चांदीची चमक सातत्याने वाढत आहे. सोमवारी सोन्याच्या स्पॉट किमतीत ८९ रुपयांनी तर चांदीचा भाव ९३० रुपयांनी वाढला आहे. आता शुद्ध सोने ५६,२५४ रुपये प्रति १० ग्रॅम म्हणजेच आतापर्यंतच्या सर्वोच्च दरावरून केवळ ५८६३ रुपयांनी स्वस्त झाले आहे.

तर, दोन वर्षांपूर्वीच्या ७६,००८ रुपये प्रति किलोच्या उच्च दरावरून चांदी १८,७४० रुपयांनी स्वस्त झाली आहे. शुक्रवारच्या बंद भावाच्या तुलनेत चांदी महाग झाली असून ५७,२६८ रुपयांवर उघडली आहे. २४ कॅरेट सोने आज ५०,३९१ रुपये प्रति १० ग्रॅम दराने उघडले. तर २३ कॅरेट सोन्याचा भाव आता ५०,१८९ रुपये आहे. त्याचवेळी, २२ कॅरेट ४६,१५८ तर १८ कॅरेट ३७७९३ आणि १४ कॅरेट सोन्याचा भाव आता २९,४७९ रुपये प्रति १० ग्रॅम झाला आहे. विशेष म्हणजे यामध्ये जीएसटी आणि ज्वेलर्सचा नफा जोडला गेलेला नाही.

गोल्ड-सिल्वर हॉलमार्किंग; सोने-चांदीचे दागिने खरेदी करणे आणखी महागले, जाणून घ्या नवीन दर
अधिक पैसे मोजावे लागतील
ज्या दराने सोने-चांदी उघडते त्यापेक्षा ग्राहकांना कितीतरी पैसे जास्त द्यावे लागतात. यामागचे कारण म्हणजे सोन्या-चांदीच्या किमतीत जीएसटी आणि मेकिंग चार्जेस समाविष्ट नसतात. त्यात सामील झाल्यानंतर त्यांचे दर आणखी वाढतात. अशा स्थितीत आज सोन्याच्या दरावर नजर टाकली तर २४ कॅरेट सोन्यावर तीन टक्के जीएसटी जोडल्यानंतर त्याची किंमत ५१९०२ रुपये होत आहे. याशिवाय दागिन्यांबद्दल बोलायचे झाले तर त्यात १० टक्के नफा जोडून सोन्याचा दर ५७,०९३ रुपये प्रति १० ग्रॅमवर पोहोचला आहे.

सोने खरेदीची संधी; दिवाळीपर्यंत काय असेल भाव, कोणते घटक किमतीवर परिणाम करतील? जाणून घ्या
जाणून घ्या किंमत काय आहे
दुसरीकडे चांदीबद्दल बोलायचे झाले तर, जीएसटी जोडल्यानंतर त्याची किंमत प्रति किलो ५८,९८६ रुपये झाली आहे. यामध्ये ज्वेलर्सचा १० ते १५ टक्के नफा वेगळा आहे. म्हणजेच, १० टक्के नफा घेऊन सोनाराला तुम्हाला सुमारे ६४,८८४ रुपये द्यावे लागतील. त्याचप्रमाणे, २३ कॅरेट सोन्यावर तीन टक्के जीएसटी आणि १० टक्के नफा जोडल्यानंतर ते तुम्हाला प्रति १० ग्रॅम ५६,८६४ रुपये दराने पडेल. तसेच २२ कॅरेट सोन्याची किंमत पाहिली तर त्याचा दर ३% जीएसटीसह ४७,५४२ रुपये होईल. दागिन्यांच्या बाबतीत स्वतंत्रपणे घेतलेला नफा सुमारे ५२,२९७ रुपये असेल.

दरम्यान, देशभरात दसऱ्याला सोनं खरेदीला मोठं महत्त्व दिलं जातं. दसरा म्हणजे ‘सोन्याचा दिवस’ असंही म्हटलं जातं, त्यामुळे या दिवशी सराफा बाजारात मोठी उलाढाल होत असते. अशा परिस्थितीत दसऱ्याच्या दिवशी तरी सोनं खरेदीसाठी इच्छूक असलेल्यांना कमी दरात दागिने उपलब्द होतील अशी सर्वसामान्यांची इच्छा असेल.

LEAVE A REPLY

Please enter your comment!
Please enter your name here