msrtc bus employee news, एसटीतील चालक आणि वाहक पदाच्या भरतीतील उमेदवारांना मोठा दिलासा; मुख्यमंत्र्यांचे हस्ते नियुक्तीचे पत्र – a big relief for the candidates in msrtc bus driver and conductor post in recruitment

मुंबई : एसटी मंहामंडळातील २०१९ अंतर्गत चालक आणि वाहक पदाच्या भरतीतील पात्र पुरूष व महिला उमेदवारांना राज्य सरकारने दिलासा दिला आहे. या भरतीप्रक्रियेतील पात्र उमेदवारांपैकी २७ पुरूष उमदेवारांना नेमणुकीचे तर २२ महिलांना सेवापूर्व प्रशिक्षणाचे पत्र मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या हस्ते देण्यात आले.

राज्य परिवहन महामंडळामध्ये २०१९ मध्ये चालक आणि वाहक पदासाठी भरती प्रक्रिया राबवण्यात आली होती. या भरती प्रक्रियेतील १४३१ पात्र उमेदवारांना यापूर्वीच नेमणूक देण्यात आली आहे. मात्र, गेली दोन वर्षे करोना महामारीमुळे रखडलेल्या उर्वरीत पात्र उमेदवारांच्या नेमणुकीला राज्य सरकारने हिरवा कंदील दाखवला होता. त्यानुसार मंत्रालयात मुख्यमंत्री आणि उपमुख्यमंत्री यांच्या हस्ते आज एक छोटेखानी पात्र उमेदवारांना नियुक्ती पत्र देण्याचा कार्यक्रम पार पडला.

Tik-Tok स्टार लेडी कंडक्टरवर एसटी महामंडळाची कारवाई, रोहित पवार म्हणाले, हेच खरे हिरो

यावेळी शालेय शिक्षण मंत्री दीपक केसरकर, वैद्यकीय शिक्षण मंत्री गिरीश महाजन, स्वच्छता व पाणीपुरवठा मंत्री गुलाबराव पाटील, बंदरे व खानिकर्म मंत्री दादाजी भुसे, आरोग्यमंत्री डॉ. तानाजी सावंत यांच्यासह एसटी महामंडळाचे उपाध्यक्ष व व्यवस्थापकीय संचालक शेखर चन्ने तसंच विविध विभागाचे महाव्यवस्थापक, वरिष्ठ अधिकारी उपस्थित होते. पात्र उमेदवारांपैकी आज २७ पुरूष उमेदवारांना नेमणुकीचे पत्र देण्यात आलं असून उर्वरीत उमेदवारांना लवकरच नेमणूक देण्यात येणार आहे, अशी माहिती एसटी महामंडळाचे व्यवस्थपकीय संचालक शेखर चन्ने यांनी दिली.

शिंदे गटाच्या मेळाव्यासाठी निघालेल्या अर्जुन खोतकरांच्या ताफ्याला अपघात; १५ ते १६ वाहनांचा चुराडा

महिलाही करणार एसटीचे सारथ्य

महिला सक्षमीकरणाच्या दृष्टीने एसटी महामंडळाने राबवलेल्या भरती प्रक्रियेत चालक तथा वाहक पदासाठी महिलांकडूनही अर्ज मागवले होते. यामध्ये २०३ महिला उमेदवार लेखी परिक्षेमध्ये उत्तीर्ण झाल्या असून १४२ महिला उमेदवारांनी अवजड वाहन चालविण्याचा परवाना सादर केला आहे. यापैकी २२ महिला उमेदवारांना आज मुख्यमंत्री व उपमुख्यमंत्री यांच्या हस्ते सेवापूर्व प्रक्षिणाचे पत्र देण्यात आले. ८० दिवसांचे सेवापूर्व प्रशिक्षण घेतल्यानंतर या महिला एसटीचे सारथ्य करण्यास सज्ज होणार आहेत.