Maharashtra Politics | मुंबईच्या शिवाजी पार्कवर दसरा मेळावा घेण्याची परंपरा शिवसेना प्रमुख बाळासाहेब ठाकरे यांनी सुरु केली. ती आजपर्यंत कायम असून नांदेडातूनही हजारो शिवसैनिक या मेळाव्याला न चुकता जातात. परंतु मागील काही दिवसांत शिवसेनेत ‘पडलेली फूट आणि शिवसेना नेमकी कुणाची? यावरून सुरू असलेला न्यायालयीन संघर्ष सुरू झाल्यानंतरचा हा पहिलाच मेळावा आहे. त्यामुळे या मेळाव्याकडे सर्वांचे लक्ष लागले आहे.
हायलाइट्स:
- अधिकाधिक कार्यकर्ते मुंबईत पोहोचले पाहिजे, यासाठी चढाओढ
- कट्टर शिवसैनिकांनी या दसरा मेळाव्याकडे पाठदेखील फिरवली आहे
मुंबईच्या शिवाजी पार्कवर दसरा मेळावा घेण्याची परंपरा शिवसेना प्रमुख बाळासाहेब ठाकरे यांनी सुरु केली. ती आजपर्यंत कायम असून नांदेडातूनही हजारो शिवसैनिक या मेळाव्याला न चुकता जातात. परंतु मागील काही दिवसांत शिवसेनेत ‘पडलेली फूट आणि शिवसेना नेमकी कुणाची? यावरून सुरू असलेला न्यायालयीन संघर्ष सुरू झाल्यानंतरचा हा पहिलाच मेळावा आहे. त्यामुळे या मेळाव्याकडे सर्वांचे लक्ष लागले आहे. दरम्यान, शिवाजी पार्कवर मेळावा घेण्याबाबतच्या वादात शिवसेनेच्या उद्धव ठाकरे गटाने लढाई जिंकली. ठाकरे यांना शिवाजी पार्कवर मेळावा घेण्याची परवानगी न्यायालयाने दिल्यानंतर नांदेडातही जिल्हाप्रमुख दत्ता कोकाटे यांच्या मार्गदर्शनाखाली आहेत. शिंदे गटाकडून नांदेडातून मुंबई जल्लोष करण्यात आला. तेव्हापासून जाण्यासाठी विशेष रेल्वेचे आयोजन सदर मेळाव्याची तयारी सुरू होते.
‘ते’ आसन मुख्य आकर्षण; एकनाथ शिंदे भावनिक साद घालणार; उद्धव ठाकरेंवर कुरघोडी करणार?मुख्यमंत्री एकनाथ शिंदे यांच्या उपस्थितीत मुंबईच्या बीकेसी मैदानावर मेळावा घेण्यात येत आहे. या ठिकाणी जिल्ह्यातून अधिकाधिक शिवसैनिक उपस्थित रहावेत म्हणून खासदार हेमंत पाटील, आमदार बालाजी कल्याणकर यांच्यासह पदाधिकाऱ्यांनी प्रयत्न केले आहेत. शिंदे गटाकडून नांदडातून मुंबई आणण्यासाठी विशेष रेल्वेचे आयोजन करण्यात आले होते. ही रेल्वे रात्री शिवसैनिकांना घेऊन मुंबईकडे रवाना झाली होती. तर काही पदाधिकारी वैयक्तिक वाहनांसह खासगी वाहनातून कार्यकर्त्यांना घेऊन निघाले आहेत. युवा सैनिकांना घेऊन माधव पावडे, महेश खेडकर हे दुपारीच मुंबईकडे रवाना झाले.
जिल्हाप्रमुख दत्ता कोकाटे खाली तीन ट्रॅव्हल्स केल्या असून ‘ते’ सायंकाळी कार्यकर्त्यांसह मुंबईकडे रवाना झाले. प्रकाश मारावार यांनीदेखील ट्रॅव्हल्स केली आहे. हदगाव येथून माजी खासदार सुभाष वानखेडे, माजी आमदार नागेश पाटील यांनी त्यांच्या भागातून जाणाऱ्या कार्यकर्त्यांसाठी क्रुझर गाड्यांची व्यवस्था केली आहे.
एकनाथ शिंदेंचं सॉल्लिड प्लॅनिंग; निवडणूक आयोगातील लढाईसाठी बीकेसी मैदानावरच खोऱ्याने ‘पुरावे’ जमवणार
प्रवास अन् जेवणाचा खर्चही उचलला
शिंदे आणि ठाकरे गटाकडून अधिकाधिक कार्यकर्ते मुंबईत पोहोचले पाहिजे, यासाठी प्रयत्न करण्यात आले आहेत. परंतु, अनेक कट्टर शिवसैनिकांनी या दसरा मेळाव्याकडे पाठदेखील फिरवली आहे. शिवसैनिकांना मुंबईला घेऊन जाण्यासाठी त्यांचा प्रवास तसेच जेवणाचा खर्च संबंधितांकडून करण्यात येत आहे. तर काही शिवसैनिक हे स्वत:च्या पदरचे पैसे खर्च करून मेळाव्याला जात असल्याचे पाहायला मिळाले.
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
