सुरत : गुजरातच्या सुरत पोलिसांनी नुकतेच एका रुग्णवाहिकेतून प्रत्येकी २००० रुपयांच्या बनावट नोटांनी भरलेले बॉक्स जप्त केले. रुग्णवाहिकेचा उपयोग आजारी किंवा गरजू लोकांना रुग्णालयात नेण्यासाठी केला जातो. मात्र, सुरतमध्ये बनावट नोटा इकडून तिकडे नेण्यासाठी रुग्णवाहिकांचा वापर केला जात होता. या बॉक्समधून कोट्यवधींच्या बनावट नोटा जप्त करण्यात आल्या आहेत.

गेल्या महिन्यात २९ सप्टेंबर रोजी अहमदाबाद-मुंबई महामार्गावर पारडी गावाजवळ सुरतमधील कामरेज पोलीस स्टेशन दिकरी एज्युकेशन ट्रस्टची रुग्णवाहिका अडवण्यात आली आणि त्यातून २५ कोटी रुपयांच्या बनावट नोटांनी भरलेले ६ बॉक्स जप्त करण्यात आले होते. मात्र, काल मंगळवारी या प्रकरणाचा तपास करणाऱ्या पोलिसांनी बनावट नोटांचा आकडा तब्बल ३१६ कोटी ९८ लाखांपर्यंत पोहोचल्याची माहिती दिली.

Shiv sena News : धनुष्यबाण चिन्ह शिंदे गटाला मिळणार?; कृपाल तुमाणेंचा दावा, आमदार, खासदारांची रिघ!
त्याचवेळी बनावट नोट प्रकरणाचा मुख्य सूत्रधार विकास जैन याला मुंबईतून अटक करण्यात आली आहे. एवढेच नाही तर सुमारे ३१७ कोटी बनावट रुपयांच्या प्रकरणात पोलिसांनी आतापर्यंत एकूण ६ जणांना अटक केली आहे. सुरत जिल्ह्याचे एस.पी हितेश जोयसर यांनी सांगितले की, सूत्रांच्या माहितीच्या आधारे सुरतच्या कामरेज पोलिस स्टेशनच्या अधिकाऱ्यांनी २९ सप्टेंबर रोजी जामनगरमधील दिकरी एज्युकेशन चॅरिटेबल ट्रस्टच्या रुग्णवाहिकेतून २५ कोटी रुपयांच्या बनावट नोटा जप्त केल्या होत्या.

याप्रकरणी पोलिसांनी रुग्णवाहिकेचा चालक हितेश परशोत्तम भाई कोटडिया याला अटक केली होती. पोलिसांनी रुग्णवाहिकेतूनच २५ कोटी रुपये जप्त केले होते, त्यानंतर पोलिसांनी हितेशच्या घरातून ५२ कोटी रुपये जप्त केले होते. या संपूर्ण प्रकरणाचा सूत्रधार मुंबईत राहणारा विकास जैन असल्याचे हितेशने पोलिसांना चौकशीदरम्यान सांगितले होते. त्याला अटक करण्यासाठी पोलिसांनी कारवाई सुरु केली आणि मुंबईतील व्हीआरएल लॉजिस्टिक अंगडिया कंपनीचा मालक विकास जैन याला अटक केली. पोलिसांच्या चौकशीत त्याच्या साथीदारांची नावे उघडकीस आली, ज्यांनी देणगी देण्याच्या नावाखाली खोट्या नोटांच्या बहाण्याने खऱ्या नोटा घेऊन लोकांची फसवणूक केली होती.

एस.पी हितेश जोयसर यांनी सांगितले की, जेव्हा विकास जैन ट्रस्टला देणगी देण्यासाठी एखाद्या व्यक्तीशी व्यवहार करायचा तेव्हा देणगीच्या रकमेतील दहा टक्के रक्कम तो अॅडव्हान्स बुकिंग म्हणून घेत असे. या प्रकरणात या टोळीने राजकोटच्या एका व्यावसायिकाची एक कोटींहून अधिक फसवणूक केल्याचे उघड झाले आहे. रुग्णवाहिकेतून २५ कोटी जप्त केल्यानंतर रुग्णवाहिकेचा चालक हितेश याने पोलिसांना सांगितले होते की, हे पैसे चित्रपटांच्या शूटिंगमध्ये वापरले जातात.

MaTa Superwoman : आधी सत्यवानाची सावित्री झाली नंतर महाराष्ट्राची ठरली पोशिंदा;

पोलिसांनी त्याच्या बोलण्यावर विश्वास ठेवला नाही आणि त्याच्या चौकशीत खुलासा होताच पोलीस इतर लोकांपर्यंत पोहोचत राहिले. या संपूर्ण रॅकेटचा सूत्रधार विकास जैन असून तो मुंबईत व्हीआर लॉजिस्टिक्स नावाने अंगडिया कंपनी चालवतो. ज्याची देशातील इतर अनेक राज्यांमध्ये कार्यालये आहेत आणि त्यांच्यामार्फत त्यांनी ट्रस्ट स्थापन केलं आहे. त्यांच्यामार्फत त्यांनी ट्रस्टचा गैरवापर करुन बनावट नोटा खऱ्या म्हणून बुक करण्याच्या नावाखाली लाखो रुपये वसूल केले.

या संपूर्ण प्रकरणाचा मुख्य सूत्रधार विकास जैन याने गुजरातमध्येच नव्हे तर मुंबई, दिल्ली, इंदूर आणि बंगळुरूमध्ये संपूर्ण नेटवर्क तयार केले होते. सर्व राज्यांमध्ये आलिशान कार्यालये बांधण्यात आली. सामान्यत: ज्याला ट्रस्टला पैसे द्यायचे असतील त्यांच्याशी संपर्क साधा एखाद्या ठिकाणी गुंतवणूक करायची असेल किंवा करायची असेल तर त्याच्याकडून रक्कम पाहून रोख रक्कम घेत असे. व्यवहारादरम्यान आरोपी व्हिडिओ कॉल करत असत आणि त्या व्हिडिओ कॉलमध्ये ते बनावट नोटा खऱ्या सांगून त्या व्यक्तीला विश्वासात घेत असत.

या संपूर्ण तपासात सुरत ग्रामीण पोलिसांसह बँकर्स आणि आरबीआयची टीमही लक्ष ठेवून आहे. हितेश परसोत्तम भाई कोटाडिया, दिनेश लालजी भाई पोशिया, विपुल हरीश पटेल, विकास पदम चंद जैन, दीनानाथ रामनिवास यादव आणि अनुष वीरेंद्र शर्मा हे आरोपी समोर आले आहेत. जानेवारी महिन्यात उत्तर भारतातून ५०० कोटी रुपये आणण्यात असल्याचा अंदाज पोलिसांनी वर्तवला आहे. विशेष बाब म्हणजे, पोलिसांनी २००० आणि ५००च्या नवीन नोटांसह भारत सरकारने बंदी घातलेल्या १००० आणि ५०० रुपयांच्या नोटाही जप्त केल्या आहेत. नोटाबंदीपूर्वीही असे रॅकेट सुरु असावे, असा पोलिसांचा संशय आहे. या रॅकेटचा पर्दाफाश होण्यापूर्वीच ते सुरतच्या एका बड्या व्यावसायिकासोबत फसवणूक करणार होते.

Pankaja Munde: सावरगावात पंकजांचा ‘सारवासारव मेळावा’, कालपर्यंत मोदींना आव्हानाची भाषा, आज नरमाईची भूमिका

LEAVE A REPLY

Please enter your comment!
Please enter your name here