मुंबई : महाराष्ट्रात लवकरच ग्रामपंचायत निवडणुकांचा धुरळा उडणार आहे. या निवडणुकीआधी मतदार याद्यांबाबत निवडणूक आयोगाने महत्त्वाची माहिती दिली आहे. राज्यातील ऑक्टोबर ते डिसेंबर २०२२ या कालावधीत मुदत संपणाऱ्या व नव्याने स्थापित सुमारे ७ हजार ६४९ ग्रामपंचायतींच्या सार्वत्रिक निवडणुकांसाठी प्रभागनिहाय प्रारूप मतदार याद्या १३ ऑक्टोबर २०२२ रोजी प्रसिद्ध करण्यात येणार आहेत. त्यावर १८ ऑक्टोबरपर्यंत हरकती व सूचना दाखल करता येतील, असं राज्य निवडणूक आयोगाने जाहीर केलं आहे.

विधानसभा मतदारसंघाच्या ३१ मे रोजी अस्तित्वात आलेल्या मतदार याद्या या निवडणुकांसाठी ग्राह्य धरण्यात येणार आहेत. त्या प्रभागनिहाय विभाजित केल्यानंतर १३ ऑक्टोबर रोजी प्रारूपाच्या स्वरूपात प्रसिद्ध केल्या जातील. त्यावर १८ ऑक्टोबरपर्यंत हरकती व सूचना दाखल करता येतील. प्रभागनिहाय अंतिम मतदार याद्या २१ ऑक्टोबर रोजी प्रसिद्ध केल्या जातील.

उद्धवजी, तुम्हीही पुढच्या काळात आजोबा व्हाल, तुमच्या नातवाबद्दल तसं… श्रीकांत शिंदेंचं भावनिक पत्र

प्रभागनिहाय मतदार याद्यांमध्ये नवीन नावांचा समावेश करणे, नावे वगळणे अथवा नावे किंवा पत्त्यांमध्ये दुरूस्ती करणे इत्यादी स्वरूपाची कार्यवाही राज्य निवडणूक आयोगाकडून केली जात नाही. कारण विधानसभेच्या संबंधित तारखेला अस्तित्वात असलेल्या याद्याच स्थानिक स्वराज्य संस्थांच्या निवडणुकांसाठी आहे तशा वापरल्या जातात. हरकती व सूचनांच्या अनुषंगाने केवळ मतदार याद्यांचे विभाजन करताना लेखनिकांकडून होणाऱ्या चुका, मतदाराचा चुकून प्रभाग बदलणे, विधानसभेच्या यादीत नाव असूनही प्रभागनिहाय यादीत नाव नसणे आदींसंदर्भातील दुरूस्त्या करण्यात येतात, असं राज्य निवडणूक आयोगाच्या प्रसिद्धिपत्रकात नमूद केलं आहे.

LEAVE A REPLY

Please enter your comment!
Please enter your name here