Authored by टीम मटा ऑनलाइन | Edited by रोहित धामणस्कर | महाराष्ट्र टाइम्स.कॉम | Updated: Oct 7, 2022, 6:48 AM

Maharashtra Politics | ठाकरे सरकारच्या काळात सरकार पडण्याच्या तारखा जाहीर करणाऱ्या नेत्यांमध्ये चंद्रकांत पाटील (Chandrakant Patil) आघाडीवर होते. त्यांनी अनेकदा याविषयी भविष्यवाणी केली होती. परंतु, संबंधित तारखांना ठाकरे सरकार न पडल्यामुळे सत्ताधारी नेत्यांकडून त्यांची कायम खिल्ली उडवली जायची. नंतरच्या काळात चंद्रकांत पाटील यांचा सरकार पडण्याचा दावा कोणीही गंभीरपणे घेईनासे झाले होते.

 

Chandrakant Patil BJP
चंद्रकांत पाटील

हायलाइट्स:

  • अडीच वर्ष खरंच आम्ही सरकार आणण्यासाठी प्लॅनिंग करत होतो
  • आपलं सरकार येणार, मी काही वेडा नव्हतो
पुणे: महाविकास आघाडीची राजवट असताना सरकार कोसळण्याच्या सातत्याने नवनव्या तारखा जाहीर करणारे भाजपचे नेते चंद्रकांत पाटील यांनी आता एक नवा गौप्यस्फोट केला आहे. राज्यात भाजपचे (BJP) सरकार आणण्यासाठी गेल्या दोन-अडीच वर्षांपासून प्लॅनिंग सुरु होते, असे चंद्रकांत पाटील (Chandrkant Patil) यांनी सांगितले. दोन अडीच वर्षे मी म्हणत होतो की, आपलं सरकार येणार, मी काही वेडा नव्हतो, मला माहिती होत की आपलं सरकार येणार.अडीच वर्ष खरंच आम्ही सरकार आणण्यासाठी प्लॅनिंग करत होतो. अडीच वर्षे लागले पण सरकार आणले, असे वक्तव्य चंद्रकांत पाटील यांनी केले. ते गुरुवारी पुण्यात भाजपतर्फे आयोजित करण्यात आलेल्या कार्यक्रमात बोलत होते. (BJP planning for 2.5 years to Form government in Maharashtra says Chandrkant Patil)
महाविकास आघाडी सरकार पडण्याची कुणकुण ६ महिने आधीच : महेश मांजरेकर
ठाकरे सरकारच्या काळात सरकार पडण्याच्या तारखा जाहीर करणाऱ्या नेत्यांमध्ये चंद्रकांत पाटील आघाडीवर होते. त्यांनी अनेकदा याविषयी भविष्यवाणी केली होती. परंतु, संबंधित तारखांना ठाकरे सरकार न पडल्यामुळे सत्ताधारी नेत्यांकडून त्यांची कायम खिल्ली उडवली जायची. नंतरच्या काळात चंद्रकांत पाटील यांचा सरकार पडण्याचा दावा कोणीही गंभीरपणे घेईनासे झाले होते. मात्र तीन महिन्यांपूर्वी एकनाथ शिंदे यांनी शिवसेनेविरुद्ध केलेल्या बंडामुळे राज्यात सत्तांतर झाले. एकनाथ शिंदे यांनी महाविकास आघाडीचे (Mahavikas Aghadi) ५० आमदार फोडून भाजपसोबत सरकार स्थापन केले. त्यामुळे चंद्रकांत पाटील यांची सरकार पडण्याची भविष्यवाणी उशीरा का होईना, खरी ठरल्याचे म्हणायला हरकत नाही.

महाराष्ट्रात १० मार्चनंतर राजकीय भूकंप; ठाकरे सरकार कोसळणार; चंद्रकांत पाटील यांचं भाकीत
मनसेचा एकनाथ शिंदेंना सवाल

मुख्यमंत्री एकनाथ शिंदे यांनी दसरा मेळाव्यात उद्धव ठाकरे यांच्या टीकेला प्रत्युत्तर देताना एक वक्तव्य केले होते. उद्धव ठाकरे यांनी भाषणादरम्यान एकनाथ शिंदे यांचा नातू नगरसेवकपदाकडे डोळे लावून बसला आहे, अशा आशयाचे विधान केले होते. त्यावर एकनाथ शिंदे यांनी म्हटले होते की, माझा नातू दीड वर्षाचा आहे. त्याचा जन्म झाल्यानंतर तुमचं अध:पतन सुरू झालं. मुख्यमंत्र्यांच्या या प्रतिक्रियेनंतर मनसे आमदार राजू पाटील यांनी मुख्यमंत्र्यांची ही दीड वर्षापासून प्लॅनिंग होती का? हा उठाव होता की ठराव होता? असा सवाल उपस्थित केला होता.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here