मुंबई : आरबीआय (RBI) ने मे महिन्यापासून रेपो दरात (Repo Rate) चार वेळा वाढ केली आहे. या चार हप्त्यांमध्ये रेपो रेट १.९० टक्क्यांनी वाढला आहे. चलनवाढ रोखण्यासाठी मध्यवर्ती बँकेने हे पाऊल उचलले आहे. त्यामुळे रेपो दरात आणखी वाढ होण्याची शक्यता आहे. RBI बँकांना ज्या दराने कर्ज देते तो दर म्हणजे रेपो दर. या वाढीमुळे बँकांना आरबीआयकडून महाग कर्ज मिळते. त्याचा बोजा ग्राहकांवर पडतो. त्यामुळे गृहकर्जासह सर्व प्रकारची कर्जे (Loans) महाग होतात. गेल्या पाच महिन्यांत गृहकर्जाचा (Home Loan) दर ६.५ टक्क्यांवरून ८.२५ टक्के झाला आहे. म्हणजेच एखाद्याने २० वर्षांसाठी कर्ज घेतले असेल तर त्याला २५ वर्षांसाठी हप्ता भरावा लागेल. कसे ते येथे जाणून घेऊया.

पगाराला उशीर झाल्यास EMI भरण्याचे ‘नो टेन्शन’, वाचा तुमच्याकडे आहेत कोणते पर्याय
बँका देऊ करत असलेली नवीन किरकोळ कर्जे बाह्य बेंचमार्कशी जोडलेली असतात. बहुतेक प्रकरणांमध्ये ते रेपो दराशी जोडलेले असते. यामुळेच रेपो दरात कोणताही बदल केल्यास गृहकर्जाच्या व्याजदरावर परिणाम होतो. रेपो दरात वाढ झाल्याने तुमच्या गृहकर्जाचा हप्ता वाढतो. तसे, MCLR, बेस रेट आणि BPLR शी जोडलेल्या जुन्या गृहकर्जांवरही त्याचा परिणाम होईल. मे महिन्यापासून रेपो दरात १९० म्हणजेच १.९० टक्क्यांची वाढ करण्यात आली आहे.

हप्ता वाढला
एखाद्याने ६.७ टक्के दराने २० वर्षांसाठी १० लाखांचे गृहकर्ज (Home Loan) घेतले असेल, तर एप्रिलमध्ये त्याचा हप्ता ७,५७४ रुपये होता. आज तो ८.६ टक्के दराने ८,७४१ रुपये झाला आहे. आरबीआयने मे महिन्यात रेपो दरात ०.४० टक्के आणि जून, ऑगस्ट आणि सप्टेंबरमध्ये प्रत्येकी ०.५० टक्के वाढ केली होती. त्यानुसार बँकांनी व्याजदरही वाढवले आहेत.

SBI ग्राहकांना पुन्हा झटका! ३० लाखांच्या गृहकर्जासाठी आता किती हप्ता भरावा लागणार, समजून घ्या
२० वर्षांचे कर्ज २५ वर्षांसाठी
कर्जाचे दर वाढतात तेव्हा बँका कर्जाचा कालावधी वाढवतात. म्हणजेच एखाद्याने एप्रिल २०१९ मध्ये ६.७ टक्के दराने ५० लाख रुपयांचे कर्ज घेतले असेल, तर एप्रिल २०२२ पर्यंत त्याने ३६ हप्ते जमा केले असतील. म्हणजेच, त्याच्या कर्जाचा कालावधी केवळ १७ वर्षांचा होता आणि कर्जाची थकबाकी ४६.०४ लाख रुपये होती. परंतु ८.६ टक्के दराने त्याला २२ वर्षे १० महिन्यांसाठी अधिक हप्ते भरावे लागतील. म्हणजेच त्याच्या हप्त्यांची संख्या ६० ने वाढली आहे. म्हणजे कर्ज कालावधी पाच वर्ष वाढला.

देशातील सर्वात मोठ्या बँकेच्या मनात चाललंय तरी काय, ग्राहकांना आणखी एक झटका देण्याची तयारी
मूळ कार्यकाळ कायम ठेवायचा असेल तर..
कर्जदाराच्या निवृत्तीनुसार गृहकर्जाचा कालावधी बँका ठरवतात. मुदत वाढवणे शक्य नसल्यास कर्जदाराकडे दोन पर्याय आहेत. तो हप्ता वाढवू शकतो किंवा मूळ रक्कम कमी करण्यासाठी एकरकमी रक्कम देऊ शकतो. तुम्हाला मूळ कार्यकाळ ठेवायचा असेल तर तुमचा हप्ता ५,१७७ रुपयांनी वाढेल किंवा तुम्हाला ५.५ लाख रुपये भरावे लागतील.

8 COMMENTS

LEAVE A REPLY

Please enter your comment!
Please enter your name here